3 香港 : Modem 用家先受罪
3 香港是香港網絡商中，最積極推度漫遊日費數據計劃，甚至連不用上台的儲值卡都有這項服務，方便用家， 其中返大陸的 Daypass 更是一百蚊有找。不過，最近他們靜靜雞在網站暗角貼出告示，在香港時間四月二日起，日費數據計劃，會由無限上網變為每日最多 100MB，之後每 1MB / $10。用爆了，好容易有 Shocking Bill！ePrice 致電 3 香港了解過，原來，這只針對申請上台時，是以 USB Modem / Pocket Wi-Fi 或標明給予流動寬頻使用的儲存卡用家。其他智能手機用家，包括 iPhone、iPad 或透過手機作 Tethering 用途，是不受影響。3 香港亦表示，他們的早己改變使用守則，若你是用智能手機或儲值卡的用家， 把 SIM 卡插入 USB Modem 作上網之用， 無論是否漫遊，也用唔到。此外，本來返大陸 $68 的 Daypass 特價，亦會結朿，四月一日起、日費 Daypass 全面調高收費至 $168，便宜不再。不過, 3 香港表示, 此優惠有機會繼續, 大家要留意他們公佈了‧
數碼通 : 1 日 50MB
數碼通一直在數據漫遊日費計劃，表現不積極，之前所謂日費數碼任用，只限上網瀏覽及查 Email，唔包 YouTube、FTP 及 Streaming，限住用唔過癮。新計劃劃一每日每地區收費 $168，無用途限制，但只包 50MB，平均每 MB 要 3 蚊，數據有價! 以後你還會在外遊時， 事無忌但 Share 你的所見所聞嗎? 難也! 不過，SmarTone 有用爆即停機制，50MB 以後想繼續用， 要用 SMS 申請過。相反，用唔駛曬 50MB 可以累積在下次申請 Daypass 數據漫遊時使用，好過無。
PCCW : 數據漫遊收費 1 折
數據漫遊日費計劃，本來 PCCW Mobile 都有，不過己停止接受新申請，若果你是新上台，現只有享用數據漫遊收費 1 折優惠，其實即是大部份國家以 HK＄0.01/KB- HK$0.02/KB 收費。用 10MB 己是 $102.4，比數碼通更誇張，可能你要用 Opera Mini 瀏覽器，其把圖片關閉可以省錢又上到網。上得咁辛苦，又何苦呢?
CSL: 不能用 BT
四大網絡中，只有 CSL 暫時暫時未取消日費數據漫遊，無限上網計劃，但收費都不平， 要每日 $168。他們列明不能使用 BT、 FTP 及單對單應用如 PPStream、PPLive 等程式，但不知他們何時又會轉?
中國移動香港: 中國上網每日 $38 任用
中國移動香港是 CSL 外，另一間未取消數據日費無限上網計劃的公司，日費由 $68 － ＄168，不過覆蓋國家比較少，只有九個地區，以東南亞及國內為主。若果你是他們 2G 無限上網用家，在大陸以手機上網，每日最高收費只需 $38，全港最平，不過，因為它們漫遊只能連入中國移動 2G 網絡，上網速度不會快，收得平也沒有用。
小結: 知清知楚最重要
似乎網絡唔想你用咁多數據，己成潮流，本地唔想你用咁多，漫遊就更加了! 用少 D 不算大問題，最大問題是唔覺唔覺，用多左變 Shocking Bill，所以若果你打算在未來出遊，記得先了解網絡商的收費， 做定功課，唔怕收貴左!
網絡商漫遊日費數據計劃專頁
CSL One2Free
數碼通
3 香港
PCCW Mobile
中國移動香港