我地以前如果有需要喺 whatsapp 或者 facebook 度同外國人用文字溝通，咁啱有句英文唔識點打，咁我地呢個時候就可能需要用到 Google Translate。咁我地個步驟係點架? 首先按 Home 鍵出番去主畫面，然後打開 Google Translate，再將你要翻譯嘅文字打上去，然後選擇你要翻譯嘅語言，再將翻譯左嘅句子複制左佢，再開番個 whatsapp 或者 facebook 按貼上，咁先叫做完成! 係咪咁多步驟有啲麻煩呢?
而家 Google Translate 嘅最新更新，實現左可以直接喺其他軟件度 Translate，唔洗再特登開 Google Translate 呢隻 App 咁麻煩。例如你想喺 whatsapp 度問一個俄羅斯人: 「When will you be home?」(你幾點喺屋企?)，但你又唔識打俄文，咁你只需要直接喺 Whatsapp 對話欄果度打你想講嘅野，然後長按全選，之後會有幾個選擇俾你，選「翻譯」，佢就會直接彈出一個畫面俾你進行唔同語言嘅翻譯，最後按「取替」，咁就可以將段文字由英文變做俄文，比以前嘅方法簡單方便好多! 以下為進行翻譯嘅示範:
係咪覺得呢個更新都唔錯呢? 係咪都想快啲試下用下呀? 但無奈地，暫時呢個更新只適用於 Android 6.0 以上嘅用家，而目前只有 Nexus 嘅機能夠升級做 6.0，所以大家只能夠慢慢等下，睇下你部智能手機幾時可以升級! 如果你有 Nexus 手機而且已經升級左 6.0 嘅話，你可以按下面嘅 link download:
App 下載資訊
◎ App 名稱：Google Translate
◎ 系統需求：Android 6.0
◎ 下載方式：Google Play