朝早唔願醒? 新鬧鐘 App 多種玩法,包你醒腦提神!
|
Apps
呢款鬧鐘軟件叫做 Mimicker Alarm,目前只適用於 Android 裝置上。同一般手機內置的鬧鐘軟件不同,Mimicker Alarm 鬧鐘響起之後,佢會有兩個選項俾你揀,分別為 「zz」 (繼續訓) 或者「X」(關掉鬧鐘),如果選擇繼續訓嘅話,咁佢就會俾多 5 分鐘時間俾你訓。而如果你想關掉鬧鐘的話,咁佢就會俾個「小任務」你要你跟住做,例如做一啲指定的臉部表情、找尋擁有指定顏色的物件或者要你讀一段急口令 (英文)。
▲ 同平時手機內建的鬧鐘軟件一樣,你都係按「+」新增鬧鐘,設定番響鬧時間等資訊。
臉部表情
如果係要你做臉部表情,咁你就要跟住佢個要求,影張相俾手機睇。例如佢叫你 Make a neutral face (正常樣),咁呢個就好簡單,就咁普通自拍就 OK;但如果佢叫你 Make a surprised face (驚訝樣),但你整左個正常樣出黎呢,佢就會要求你再影過。
找尋指定顏色物件
至於如果鬧鐘要你搵有指定顏色的物件,例如 Red (紅色),咁你就需要影張包含紅色的相俾手機睇,如果手機 detect 到紅色,咁就過到關。如果 detect 唔到,就會叫你再影過。
急口令
最後果個急口令嘅「小任務」係有時間限制的,如果在指定時間之內你讀唔到出黎俾電話聽,佢就會再響過,然後隨機俾第二個任務你。不過版主試過,雖然話係英文的急口令,但只要慢慢將佢讀出黎,基本上都無咩難度嘅。版主試果句急口令係:Peter Piper picked a Peck of pickled peppers。都幾好玩架!
▲ 鬧鐘響起之後,佢可能會俾段急口令要你讀,讀完又讀得啱的話,就可以關掉鬧鐘。
以下係 Microsoft 呢隻 Mimicker Alarm 的介紹,如果你都算試下呢款 Mimicker Alarm 軟件,下面會有下載連結:
App 下載資訊
◎ App 名稱:Mimicker Alarm
◎ 系統需求:Android 4.1 以上
◎ 下載方式:免費 Google Play
(不過你會發現,呢隻 App 目前未支援香港,所以在 Google Play 上係 download 唔到的,所以版主亦為你提供呢隻 App 的 apk 檔,讓大家都可以試玩下,按這裡可以下載。)
來源:TechCrunch