主題:立即下載!Google Pay 可掛任何會員卡!百佳、萬寧、759 都支援

ePrice HK
  • 發表時間:2018-02-21 14:29 收錄檢舉
    網友覺得,Android Pay 同 Apple Pay,孰優孰劣?版主主機係 iPhone,當然會支持 Apple Pay 多啲,但一直以來我都認為,在實際使用上,Android Pay 同 Apple Pay 其實差別並不太大。咪又係入張信用卡落去 Wallet,然後買嘢果陣嘟機俾錢,有乜特別。不過,即日起 Android Pay 可以變身做 Google Pay! 比較好嘅地方,全新 Google Play 將 Wallet 同 Pay 功能整合,而且可以簡單幾個步驟,就能掛上包括百佳、萬寧在內的會員卡!而遲下仲有得做埋 P2P 轉賬功能,你又會唔會想即刻下載試下呢?睇下文啦!

    立即下載!Google Pay 可掛任何會員卡!百佳、萬寧、759 都支援

    不過,戴定頭盔,雖然在 Play 商店上已經見到有 Google Pay 的應用程式,而且就連 icon 都轉埋,不過當版主下載落嚟之後,打開發現依然仲係舊有 Android Pay 的介面,似乎香港用家想用 Google Pay,仲要等下。不過,版主就直接從 AppMirror 下載了 apk 檔,搶先試下全新的 Google Pay,比較下同以往的 Android Pay 有甚麼不同 (文末有下載 Link) 。

    以前 Android Pay 同 Google Wallet 係分開兩個獨立的應用程式,前者係綁定咗信用卡之後,就可以去指定商店拍機俾錢,而後者 Google Wallet,則主要作 P2P 之用,可以用來轉賬、在線支付等用途,就好似支付寶咁。不過,當 Google Pay 推出之後,就會將呢兩個獨立 App 的功能合併,能夠使支付、P2P 轉賬等功能 (暫時只有英國同美國用家用到,香港要等下),一個 App 搞掂,相比之前來說,確實方便得多。

    另外,Google Pay 除咗可以綁定銀行卡,甚至就連會員卡,包括百佳、萬寧、易賞錢等,都可以一併綁定,出街可以唔使再帶咁多卡,係方便嘅。點解方便?因為而家好多時啲會員卡,都係純粹俾店員用機 scan 一 scan 個條碼 / QR Code 就得,而家只要俾部電話佢,都可以掃到,啲會員卡都可以擺喺屋企,唔使拎出街。反觀 Apple Wallet 入面,就無得直接將會員卡加入 Apple Wallet 內,不及 Google Pay 內的咁直接快捷。
     

    我哋就立即比較一下,Android Pay 同 Google Pay 介面上有甚麼不同:

    立即下載!Google Pay 可掛任何會員卡!百佳、萬寧、759 都支援  立即下載!Google Pay 可掛任何會員卡!百佳、萬寧、759 都支援
    ▲ 可以見到 Play 商店原本 Android Pay 已改咗為 Google Pay,而個 icon 都變埋,但下載完一開,目前依然是舊有 Android Pay 的介面。

    立即下載!Google Pay 可掛任何會員卡!百佳、萬寧、759 都支援  
    ▲ 不過,為左想搶先試用一下 Google Pay 係點,版主就從 APKMirror 下載了 Google Pay 的 apk 檔。入到去,見到成個畫面唔同哂。從畫面底部見到,分咗「首頁」同「付款卡」兩個頁面。「首頁」主要係一些關於 Google Pay 的介紹,不太重要,而「付款卡」內除咗可以俾你睇下你綁定咗乜嘢信用卡之外,下方仲有個「獎賞、禮品卡及優惠」,又係乜嘢黎架呢?

    立即下載!Google Pay 可掛任何會員卡!百佳、萬寧、759 都支援 立即下載!Google Pay 可掛任何會員卡!百佳、萬寧、759 都支援
    ▲ 按下「新增計劃」,佢就會顯示你身處位置附近有甚麼熱門的卡,咁版主屋企附近就顯示有 759 阿信屋、百佳、萬寧等等,你可以將你哋的會員卡,都加入埋落 Google Pay 入面。不過上面所講的,版主幾乎都沒有,所以版主就自行 search 下有無其他更適用的會員卡。版主有一張「易賞錢」卡,嘗試下可唔可以加到入去,結果係支援嘅!

    立即下載!Google Pay 可掛任何會員卡!百佳、萬寧、759 都支援立即下載!Google Pay 可掛任何會員卡!百佳、萬寧、759 都支援立即下載!Google Pay 可掛任何會員卡!百佳、萬寧、759 都支援
    ▲ 選擇咗你要加入的會員卡 (如上圖顯示為易賞錢卡),佢就要你用相機掃描會員卡上的條碼,或者手動輸入。之後佢就會俾你 check 下付款卡號碼是否正確,如果正確,你亦都可以選擇,當附近商家支援此會員計劃時,會有通知話你知。最後按「儲存」,就成功將易賞錢卡加入 Google Pay 內。

    立即下載!Google Pay 可掛任何會員卡!百佳、萬寧、759 都支援 立即下載!Google Pay 可掛任何會員卡!百佳、萬寧、759 都支援
    ▲ Google 表示,當你以 Google Pay 付款時,真實的信用卡號碼不會與他人分享,可以確保私隱的安全。講就咁講,信不信由你,驚就唔好用,係咁簡單。另外,Google Pay 亦支持在部份應用程式上付款,而目前接受 Google Pay 的商家除咗百佳、惠康之外,仲有好多好多。

    不過可惜的是,現時 Google Pay 並未支援 P2P 轉賬服務,暫時只有美國、英國可以搶先玩到。香港的話,就要等等。不過,唔想再分開 Android Pay 同 Google Wallet,想搶先感受下 Google Pay 的好用之處,網友都可以透過以下連結,直接下載 apk 檔。

    立即下載!Google Pay 可掛任何會員卡!百佳、萬寧、759 都支援

    App 下載資訊

     App 名稱:Google Pay
    ◎ 系統需求:因裝置而異
    ◎ 下載方式:免費 apk 檔 (
    APKMirror)
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁