▲ Instagram 多了拍片選項，
多了拍片選項
Instagram 本來是分享相片的 App，自 Android 平台有得玩後，版主身邊的朋友，都加入了，因為可以把相片加 Filter，爛相都變得好有 Feel，最重要是可以分享至 Facebook 呀。若果你想玩 Instagram 短片，記得先更新 App。版主用 HTC One 作試玩，更新後，版本會係 V.401。大家可以 Check Check。軟件升級後，發覺 Instagram 會多了拍片的 icon，可以開始試拍啦！
▲ 在 HTC One 上支援拍片的 Instagram，版本為 V4.01。拍片介面就是這樣。給大家一個 Tip，就是只能打直來影，唔係會變了打橫，好怪架。而用家亦可以用前鏡拍攝。嘩！咁以後 Instagram / Facebook，咪好自拍 Video...好驚驚呀
按住掣，停一停，再拍
用 Instagram 拍片，係有技巧，就係要按住拍片 Icon 唔放。點解會咁? 其實 Instagram 拍片，最好玩，就係容許你拍攝途中，停下來，轉場景。軟件會幫你記住之前的片段，最後拍攝完畢，會把幾組片段合成一起。這個簡單的方式，令到你可以拍出感覺好像有剪接過的短片。但 Instagram 只限你拍大約 15 秒的短片，而且，短片跟相片一樣也是正方形的。此外，這 15 秒的短片，一樣可以加 Filter 效果，令短片也有 Feel 起來。你會問，這些斷斷續續的短片，有乜咁好睇？今日版主玩過，亦見朋友 Share 過無間斷的短片，發覺斷斷續續發揮空間可以更多，點好玩? 睇片啦，請大家給予版主評語吧。。。真人發聲架!
▲ Instagram 拍片的指示都好清楚，拍完有指示做後期。有無得 NG 架？有的! 你可以把某一段片段刪除，再重拍就可以了。
▲ 短片都可以加 Effect，而你亦可選擇短片在 Instagram 顯示時的 Cover Photo。Android 版本，你可以同時 Share 去 Facebook、Twitter、Tumblr 及 Foursquare。若你好像版主一様是 Fans page 管理員 (我當然係其中一位 ePrice.HK Fanpage 管理員啦
）短片一樣可以傳去 Fan page 跟 Fans 分享。送上三段短片，分別是在 Instagram 上，觀看短片的效果；也有兩段示範短片。有一段是版主真人發聲，大家俾個 Like 我好呀
▲ 在 Instagram 上睇片的效果。會見到版主對今日出了很多 *** 文章的感覺。*** 本身沒有問題，但網友對他們的意見，有點複雜，攪到版主難以處理，有點感概咁啦
▲ 朋友 Jimmy Tang 的示範，我覺得唔太好睇，因為佢無乜點玩分段，一條過短片，有點悶
▲ 最後一段，就係版主係 StarBucks 亂七八糟的說話，但試到 Instagram 停一停，拍一拍的好玩感覺。大家喜歡嗎?
App 下載資訊：
◎ App 名稱：Instagram
◎ 檔案容量：16MB
◎ 系統需求：Android 2,2 以上
◎ 下載方式：免費 Google Play