更安全、更有手感! iGlaze 推出超薄保護殼!
左定坤 (Cho Ting Kwan)
2015-10-09 18:00
|
手機配件
版主身邊有好多朋友用緊 iPhone ，但十個有八個都唔中意用保護套或者保護殼。咁版主就進一步問下佢地，點解佢地唔中意用套或者用殼呢? 原來好多人都覺得，Apple 產品背後嘅蘋果 logo 先係一個「身份象徵」，話俾人聽唔係「老翻」。咁咪好唔安全? 有見及此，Moshi 推出一款為 iPhone 6s 系列而設嘅 iGlaze 超薄時尚保護殼，唔單止可以保護你部 iPhone 6s 或者 iPhone 6s Plus，背後仲開左個孔，完美咁 show Apple 個 logo 出黎! 版主立即為你介紹一下呢款保護套啦!
iGlaze 超薄保護殼採用了獨特嘅雙料材質製造，能夠提高耐用性以及可以有效減震，並具有防刮嘅功效。而呢部 iGlaze 採用了簡單超薄嘅設計，表面使用了特殊塗層處理，拎上手可以增強質感之餘，更能夠完善保護音量鍵以及電源鍵。另外，呢款嘅保護殼將個邊框加高左，就算你唔小心將部電部跌左落低，都可以避免爆芒嘅機會。
iGlaze 保護殼將會推出六種顏色，分別為北極藍、石墨黑、薰衣草紫、康乃馨粉、珍珠白以及格子玫瑰。價錢方面，適用於 iPhone 6s 或者 iPhone 6 嘅保護殼售價為 HK $238，而適用於 iPhone 6s Plus 或者 iPhone 6 Plus 嘅保護殼售價為 HK $278。唔知大家對呢款保護殼有無興趣呢? 不妨留言講下吧!
