主題:菜鳥瞬間變神獸! 三十蚊 PUBG MOBILE「食雞神器」開箱試玩

  • 發表時間:2018-04-21 20:40 收錄檢舉
    騰訊獲得 Playerunknown's Battlegrounds (簡稱 PUBG)手機版授權,推出 PUBG MOBILE 後大受歡迎,連本 YK 都日日玩雞,啊唔係,係「食雞」先岩。 雖然話「戰場無父子」,但玩 PUBG MOBILE 最唔希望就係因操作不順而連累隊友。 眼見自己次次開槍慢、開鏡慢都非常自責,隊友好想有雞,但偏偏我手機屏幕可操控位置,勉強能容納本 YK 的大手指。天呀,所以我就找來「食雞神器」,三十蚊就立刻升級變成「快搶神獸」。廢話少講,立即同大家開箱試玩!

    菜鳥瞬間變神獸! 三十蚊 PUBG MOBILE「食雞神器」開箱試玩

    特急開箱
    玩過 PUBG MOBILE 的朋友都知道,每隊可以有四條友,我一次過係「偉大強國的寶貝店」特急購入 4 套「食雞神器」。 神器有分幾個版本,滿地都係「黑色導電棉」,高級少少係「靜電膠 + 紫銅」,聲稱最高級的係「機械式聯動觸控」。 本 YK 剔除最高級的版本,因為肯肯定容易壞,寧願選擇所謂次一等的型號。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 原本急不及待係大街當眾開箱,點知個箱包得太密,只好歸家慢慢搞。 

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 一開箱有四件,自然係比自己隊友用啦!寫明「五代 吃雞神器 專利產品 大吉大利 晚上吃雞」,呢度咁多個中文字,暫時無一個字我信得過~


    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 我買的版本係透明塑膠 + 導電紫銅貼紙,購買時係可以選擇一對左右,或者你習慣「左青龍右滑鼠」,買一隻都得。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 工作原理好簡單,紫銅貼和黑色物料都係導電,你可以視為你手指的延伸,你觸碰佢就等於觸碰手機屏幕的特定位置。 

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 呢塊係導電膠,物料同你街邊買 10 蚊電容觸控筆頭是一樣。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 市面上絕大部分手機的厚度都兼容,太厚如部分三防機就無得用;帶套手機就視乎套有幾厚,本 YK 最愛超薄 0.1 套,完美兼容「食雞神器」。 如果你喜歡「裸跑機身」,機身薄令神器鬆動的話,有一個卡扣可以頂緊手機機背。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 如圖放入「食雞神器」,大約記下導電膠在屏幕上的位置。

    菜鳥瞬間變神獸! 三十蚊 PUBG MOBILE「食雞神器」開箱試玩
    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 進入 PUBG MOBILE 設定自定義操控界面,稍後影片會介紹如何運走。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 保存好你的設定,然後就開始大殺四方! 因為隊友報告話,頭幾次都好容易因為操作不適應,最終令自己死亡出局。

    菜鳥瞬間變神獸! 三十蚊 PUBG MOBILE「食雞神器」開箱試玩
    ▲ 最終殺器完成!


    實際測試影片
    咁究竟實際操作如何呢?本 YK 拍左條片比大家睇,開聲有聲音導航。如果你發現聲畫不同步,是正常不過的事,因為臨時用上某大陸手機,錄製時已經有問題! 


    ▲ 本 YK 使用的是 HTC U11,Android 玩遊戲只信任高通,仲有 Nvidia (好似係)~ 


    結論
    「食雞神器」其實原理很簡單,對於 DIY 高手來講並非難事,導電膠 + 3D 打印塑模 + 導電貼紙就可以輕鬆完成。幾十蚊貨色,對於 DIY 低手來講並非難事,送到你屋企就可以隨時開打。你肯買得差少少,十蚊都見過! 我玩左成個星期體驗是非常好:開槍快左,移動順暢左,重點係自信心增強左~ 最後最後,千萬不要留言 / PM 問我邊度買到,我回覆唔到你架。 好喇係咁先,我翻出去玩 PUBG MOBILE,拜拜!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁