1600 萬像素 10 倍光學變焦! Samsung 攝影機皇(曾經)減至千八蚊有找!
今次豐澤 e-Shop 特賣場做優惠的手機大部份都屬於 2013 年所推出的舊款機,所以係價錢上面大部份係一千蚊樓上,但對有意入手新款機的朋友來講就未必適合。版主就覺得今次做平的手機之中有部份係頗有特色,但係一開賣之後因為價錢吸引力低嘅關係而令有意入手的朋友卻步。首先可以一提的就係 Samsung 的 S4 Zoom ,呢部 Galaxy S4 同相機的混合版主打的賣點就係佢個 1600 萬像素 10 倍光學變焦主鏡頭,最高 IOS 值達 3200 同埋有而家已經好少見的 Xenon 閃光燈。當然呢部 Galaxy Zoom 推出時未能夠成為大熱款式都有佢原因,除左唔支援 4G 之外係屏幕方面都只得 540 x 960 解像度同只有 4.3 吋屏幕,另外係硬件上 Galaxy Zoom 只有 1.5GB RAM 同埋 8GB RAM 。而家豐澤 e-Shop 特賣場就將 Galaxy S4 Zoom 的價錢降至 $1799 ,唔知大家又覺得吸引力點呢?千二蚊搞掂!HTC One Mini 平玩 Ultrapixel +BoomSound 前置雙喇叭!
另一部可以留意的就係用上 Ultrapixel 相機的 HTC One Mini ,呢部 HTC One M7 的迷你版而家睇返規格其實都唔算太過時,有 720p 屏幕, Qualcomm S400 1.4GHz 同 16GB 係內置容量(係只有 1GB RAM 不少朋友應該會嫌不足)。 而 HTC One Mini 特別的地方在於其實唔少大家喜歡的 HTC 手機賣點好似 Ultrapixel 相機, BoomSound 前置雙喇叭等等。如果想平玩 HTC 手機的朋友呢部機真係值得考慮,因為豐澤 e-Shop 特賣場價錢只係 $1198 咋!係大鋪真係幾難用呢個價位買到 HTC 手機啊。
800 萬像素 PureView 主鏡頭! Nokia Lumia 925 一樣有減
仲有一部版主覺得可以一提,係相機方面表現都不俗的就係 Nokia Lumia 925 。整體規格來講 Lumia 925 除左係相機方面有 870 萬像素 PureView 主鏡頭算係唔錯之外其實都幾平平無奇,除左唔支援 4G 之外 4.5 吋屏幕都只有 1280 x 768 解像度,處理器就用上雙核心 Qualcomm S4 1.5GHz 同 1GB RAM 以及 16GB 內置容量。好在呢部機都仲有 1GB RAM ,相信升上 Windows 10 應不成問題。係價錢方面, Nokia Lumia 925 係豐澤 e-Shop 特賣場優惠價係 $1799 ,想玩 Windows Phone 的朋友又會否考慮呢?入手方法:上豐澤 eShop 入手!需要推廣碼!
睇完咁多,大家對上面幾部機有冇興趣呢?其實呢個優惠只需要上豐澤 eShop 特賣場,再輸入推廣碼就可以買得到,下面就有張圖,按圖放大可以見到每部機推廣碼,而係結帳之前係攔位輸入推廣碼就會即減到上面價格,大家可以參考下圖,或者版主 Eddie 既呢篇文章。最後要提提大家,係豐澤 e-Shop 特賣場以優惠價買手機的時候記得係付款時輸入推廣碼,如果唔係就使用唔到折扣啦!另外,今次 e-Shop 特賣場優惠的日期只係去到 4 月 19 號,大家想入手就要快手了。