深水埗細鋪行貨 Samsung 旗艦照價再減，定價愈貴減價愈勁！
其實為左應對即將推出的 Note 系列新機，之前 Samsung 就已經將 S6 、 S6 Edge 同埋 Note 4 雙卡版定價作出左調整，用以「為新機開路」，當中 Galaxy S6 同埋 Note 4 雙卡版更加係跌穿五千！以近年玩「企硬」的 Samsung 來講兩部機係價錢方面相對上都算係吸引。大鋪受惠於 Samsung 調整而得以減價，同樣賣行貨機的細鋪當然都唔執輸啦！近排係深水埗賣 Samsung 行貨機嘅細鋪相信係為左迎接新機到來的關係，都出動到照價再減呢招。首先講左今年推出嘅 Samsung Galaxy S6 同埋 S6 Edge 先，如果同大鋪目前賣價作一個比較的話可以見到，定價愈貴的機種平得愈多！ Galaxy S6 而家大鋪做緊 $4998 而細鋪就平多 $518 賣緊 $4480 ， 32GB 版 Galaxy S6 Edge 目前在大鋪價錢貼近六千，要 $5998 ；係細鋪方面就只係 $5280 ，比起大鋪平左 $718 ，可以見到減價的幅度更大。而去到定價最貴，目前都賣緊 $6998 的 64GB 版 S6 Edge 係細鋪到就自然係減最多了，只係 $6180 ，平左成八百蚊。（不過個人來講點都係覺得 S6 Edge 好 X 貴囉⋯⋯
）Galaxy Note 4 單卡 32GB 版減得最多
除左 S6 同埋 S6 Edge 之外， Galaxy Note 4 係細鋪減完價後都相當有吸引力。雙卡版 Note 4 係大鋪減完後價錢就係 $4998 ，同 Galaxy S6 睇齊。係深水埗細鋪方面 Note 4 價錢就係 $4398 ，平左六百蚊，去到四千頭呢個價位來講其實都算係吸引力不錯。而單卡版的 Note 4 方面，其實係大鋪到基本上已經貨量相當稀少，不少分店都已經收起左沒有再展示，係價錢方面因為 Samsung 未有將單卡版 Note 4 減過價的關係，仍然仲賣緊 $5998 呢個價位。而 Note 4 係細鋪照價再減後價錢只需 $4698 就平了千三蚊，成為今次細鋪照價再減之中最平一員啊！
▲ 雖然 S6 Edge 夠搶眼，但 Galaxy S6 原來一直都有不少朋友想入手。
▲ 64GB 版本 Galaxy S6 Edge 係細鋪「照價再減」當中減得相當多的其中一部機。
▲ 呢張圖係一個好有趣的對比， Note 4 16GB 雙卡版因為支援中港 4G ，據聞一向係熱賣機種，至於旁邊的 Note Edge 呢⋯⋯唔使講啦啩
Note 5 「親民定價」 VS 可插卡換電 Note 4 ！新舊對決你點揀？
係新機即將推出之前就同大家討論一下「新舊之爭」大家會點揀先！就目前資料， Galaxy Note 5 規格當然會成為最強的 Samsung 機款啦！ 5.7 吋 2K 解像度 SuperAMOLED 超窄邊框大芒， Exynos 7420 處理器跟 4GB RAM 再加上相機有前後 F1.9 大光圈的 1600 萬像素主鏡同埋 500 萬像素前鏡，定價又只係 $5688 ，即係同早前 Galaxy S6 推出時一樣，吸引力確實很大！但同時間用家又好大機會要面對無得插卡換電呢種情況時，大家又會否考慮揀返上一代的 Note 4 呢？大家都講講啦！
▲ 呢個就係傳聞中之 Galaxy Note 5 ，可以見到係外型上相當有 Galaxy S6 的影子啊！
定價有驚喜時好唔好用呢？參加體驗日玩真機試清楚吧！
即將推出的兩部 Samsung 旗艦手機可以預期會有 5.7 吋大芒，岩曬喜歡大芒的朋友，其實 15/8 (六) 下午就有機會玩到實機啦！csl 與 ePrice.HK 舉行嘅 Samsung 旗艦手機體驗日。你報左名未，已報左名就等收 SMS 及 Email 確認啦。由於發應熱烈，已有更多名額可供網友參加， Click 呢到填資料就得。（按此報名參加 Samsung 新機試玩）
Samsung Galaxy Note 5 實測系列
－搶先爆 Note 5 / S6 edge+ 香港賣價- Note 5 真機圖集
- Note 5 vs LG G4 你點揀?
- 舊代 Note 4 最新行情
在文章刊登時，Samsung Galaxy Note 5 售價為 $5688，按這裡有更詳細規格及最新賣價。
在文章刊登時，Samsung Galaxy S6 edge+ 售價為 $6388 起，按這裡有更詳細規格及最新賣價。
在文章發佈的時侯， Samsung Galaxy S6 (32GB) 定價 $4,998 ，按此看詳細規格和最新賣價。
在文章發佈的時侯， Samsung Galaxy S6 Edge (32GB) 定價 $5,998 ，按此看詳細規格和最新賣價。
在文章發佈的時侯， Samsung Galaxy S6 Edge (64GB) 定價 $6,998 ，按此看詳細規格和最新賣價。
在文章發佈的時侯， Samsung Galaxy Note 4 Dual SIM 定價 $4,998 ，按此看詳細規格和最新賣價。
在文章發佈的時侯， Samsung Galaxy Note 4 32GB 單卡版 定價 $5,998 ，按此看詳細規格和最新賣價。