昨日流出大量諜照嘅 Galaxy C5 係 Samsung 專為大陸市場設計和生產嘅中階手機，最狠辣嘅招數並非價錢平、規格高、性價比，而係將其他品牌的旗艦機設計用來推出中階機。驟眼睇 Galaxy C5 同 HTC One 系列旗艦機好似，首先金屬感的機身機背上下各有兩條天線膠帶，就連天線膠帶 T 字型延伸至鏡頭亦學到足。四方形鏡頭和 HTC One M9 類似，雖然 Samsung 都有用方形鏡頭嘅習慣。雖然機身正面大部份手機設計都差不多，但 Galaxy C5 整個 Package 睇起來就係 HTC One M9 + HTC 10。
唔講外形設計，轉講手機規格，傳聞指 Samsung 可能會採用 Snapdragon 615 或 617 處理器，搭配 4GB RAM，再配備 16MP 和 8MP 相機。有報道指 Samsung 希望用 Galaxy C5 對付大陸手機品牌的性價比戰術。至於什麼時候推出和定價如何，暫時還未有消息。
資料來源：phonearena