瘋狂劈價求清貨!三星 64GB 旗艦大舖減 平過水貨價!
|
Samsung
三星旗艦求清貨,原價直跌四千二!
見到標題,其實大家都估到,一定唔係講緊 S7 系列,如果係 S7 系列減四千二,相信不少網友都飛撲去買。講緊嘅係舊代的 S6 Edge,雖然係舊款,但版主覺得,呢個減價幅度,仍然是非常的誇張。記得 8 月果陣,版主提過豐澤將 S6 Edge 清貨,32GB 版本減到 $3399,而 64GB 就無哂貨。不過,版主昨日在尖沙咀北京道的蘇寧無意中發現,S6 Edge 64GB 居然仲有貨,調番轉嘅係 32GB 無哂貨。64GB 版本的 S6 Edge,剛發表的時候開價成 $7498,而家蘇寧為求清貨,將佢直減四千二,賣 $3298,相比豐澤 32GB 版本的清貨價還要便宜,網友又會唔會考慮呢?
▲ 旺角豐澤 S6 Edge (32GB) 還有貨,賣價依然是 $3399,反而有不少細舖已經賣光了。至於水貨舖方面,S6 Edge 32GB 的賣價約為 $2950,而64GB 的賣價則約為 $3350。由此可見,蘇寧而家行貨的清貨價,相比水貨價還要便宜。網友會考慮入手嗎?
Samsung Galaxy S6 Edge (64GB) 在文章發表時,大舖最平賣價為 $3298,按這裡有詳細規格及最新賣價。