三星 S7 旗艦全系列大舖減價,入手是時候了?
今次版主要講嘅呢三部減價旗艦手機就巴閉了,無論在大舖抑或細舖,呢幾部機賣價都係一直企到硬一硬,減價好少。講左三星 S7 系列先,128GB 版本前排減多左 $100,賣 $5598,雖然有減價好過無減價,但減得太少網友又點會滿意先?加上咁多新機快將出現,大舖都好醒水,將 128GB S7 Edge 減多 $200,最新賣價為 $5398。與此同時,32GB 都由原來的 $4998 下調至 $4698,而 S7 最新賣價則為 $4098。而呢三部機的大舖價,已經同細舖價漸漸拉近距離: 32GB 以及 128GB 的 S7 Edge 現時細舖價分別為 $4298 以及 $5098,而 S7 則暫時維持不變,賣 $3998,呢個價錢,網友滿唔滿意呢?▲ 三星旗艦三機在大舖減價,呢個價位網友點睇呢?
LG、華為旗艦細舖都有減,跌穿網友心理關口未?
除左三星 S7 系列有減價之外,LG V20 同華為 Mate 9,近日都有減價。不過要講嘅唔係大舖,而係深水埗的細舖價。LG V20 自上個月開始,一度將賣價下調,現時最新賣價為 $4398,相比大舖便宜 $600。至於大舖都企硬唔減的華為 Mate 9,今個星期細舖突然減多三舊水,細舖價由原來的 $4580,跌至 $4280,呢個價錢入手行貨 Mate 9,又跌穿網友心理關口未呢?▲ LG V20 無論大舖定網絡商,都仲係賣緊 $4998,細舖平佢六百,真係細舖入手會着數好多。
▲ 大舖唔肯減,細舖同你減到 $4280,算係咁啦~
ePrice.HK 比拼話你知,呢幾部機可以點揀!
▲ 按上圖或按這裡看三星 S7 系列、華為 Mate 9、LG V20 的分別。
Samsung Galaxy S7 (32GB) 在文章發表時,大舖賣價為 $4098,按這裡有詳細規格及最新賣價。
Samsung Galaxy S7 Edge (32GB) 在文章發表時,大舖賣價為 $4698,按這裡有詳細規格及最新賣價。
Samsung Galaxy S7 Edge (128GB) 在文章發表時,大舖賣價為 $5398,按這裡有詳細規格及最新賣價。
LG V20 在文章發表時,大舖賣價為 $4998,按這裡有詳細規格及最新賣價。
Huawei Mate 9 在文章發表時,大舖賣價為 $4780,按這裡有詳細規格及最新賣價。