「傳奇機皇」 LG G Flex 2 大鋪又再減!價錢又算唔算抵玩?
作為首部在港推出的 Qualcomm S810 手機,可能大家都估唔到 LG G Flex 2 到左而家,比較多人感興趣的討論點竟然係佢如何突破減價的極限!「最平行貨 Qualcomm S810 手機」呢個位雖然之前就被 OnePlus 2 替代左,但 G Flex 2 始終係大廠 LG 作品,而且係保養上點都會更有保障嘅。係價錢方面,近日蘇寧就為 G Flex 2 推出左信用卡優惠,係價錢上由 $3798 減到 $3398 再送多個原廠手機套。如果無信用卡又點計呢?版主問過都可以做到一樣的價錢啊!係水貨方面, G Flex 2 的價錢近來都未有甚麼大變,水貨最平都係大約係 $2080 左右,未跌穿二千,而場內行貨都係大約 $2480 左右,變動不大。可能係最抵玩的 S801 手機! HTC One E8 大鋪都跌穿兩千啦!
係不少網友的心目中 G Flex 2 可以話係一部「伏機」,接下來呢部 HTC One E8 係性價比同好用程度來講相信會好一點嘅。同 G Flex 2 一樣, One E8 都做唔到係 Qualcomm S801 類別中最平的手機,因為呢個位一直被 Asus 的 Padfone S 所霸住,但 One E8 係網友評價來講應該會好過 Padfone S 嘅。早前版主就提過 One E8 係衛訊減至 $2498 ,事隔一個月多少少,價錢又再減多一截,用指定信用卡的話只需要 $1998 ,跌穿兩千,如果沒有信用卡的話價錢就會貴一百蚊,呢兩個價錢甚至比起先達場價更平呢!唔知大家又覺得今次兩部 Qualcomm 新舊旗艦機減價吸引力又大唔大呢?留言講講吧!▲ G Flex 2 係蘇寧用指定信用卡會再減,但版主試過問時就唔用信用卡都可以平。
▲ S801 雖然會有點過時,但 HTC One E8 跌到 $2098 算唔算係抵玩的價錢呢?
在文章發佈時, LG G Flex 2 最新賣價為 $3398 ,按這裡有更詳細規格及最新賣價。
在文章發佈時,HTC One E8 最新賣價為 $2098 ,按這裡有更詳細規格及最新賣價。