iPhone 6S 發佈前五天 旗艦機現身!
|
LG
▲ 根據工信部所出現的新機圖所見,呢部機嘅風格同現時 G4 非常相似,但用上 5.7 吋高清大屏幕,前面嘅下方你會見到有個 LG 嘅 LOGO 喺度。反轉背面呢,你會背面右下角印住 V10 嘅字樣,以及 LG 標誌性既後置按鍵設計。
另外,外國傳媒亦都傳出一啲呢部機嘅規格出黎! 首先喺相機方面,佢配備左 1600 萬像素嘅主鏡頭同埋 500 萬像素嘅前置鏡頭。而處理器方面呢,佢配備左 Qualcomm Snapdragon 808 處理器。另外呢,呢部機亦都具有 3 GB Ram、 64 GB 內置儲存空間,當然呢部機仲設有外置 MicroSD 咭槽,不過可支持到幾多 GB 嘅 MicroSD 咭就未有消息喇! 整個機身望落就係 G4 放大版,其實版主我都懷疑緊係咪 G Pro 2 既後繼機!
另外功能方面,有傳部機背後有個指紋感應器。有關價格方面,未知! 舊電幾大容量呢? 亦是未知之數。不過根據透露的消息得知,舊電將會係可換式的! 之後再有更多消息呢,版主會即時同大家分享!
來源:Talk Android|Android Authority