衛訊減價，百老匯即時跟上！
係分享 cal 同 SUN Mobile 最新淨機價時，先講一樣都幾緊要的消息。係第二輪劈價戰之中版主分享內容大都係有關衛訊減價消息，主要因為第二輪劈價主要由衛訊所帶起。但係百老匯其實跟上速度都好快，以昨日衛訊將 LG V10 價錢「即減 $1300」為例，版主當日下午到旺角已經見到 V10 改晒價錢，同時 Z5 Premium 都同衛訊一樣賣緊 $4798 了。係賣價相同的情況下，大家可以係入手時比較下不同大鋪有咩信用卡優惠或者邊間的贈品更適合自己呢！
▲ 係衛訊減價的同日，百老匯都照跟將 V10 價錢減左，而版主問過都係無電池送的。
LG G4 ／ BB Priv 平過大鋪！ csl 淨機優惠加入更多機款
csl 淨機減價不是新鮮事，早一個星期已經有，而且以價錢而言大熱機款好似 LG V10 同埋 iPhone 6s Plus 減得都多過大鋪，而且部份分店可以在非客戶同非 The Club 或 Tap and Go 用戶下做到減價，某程度上都算係想買機朋友的首選。（版主經驗是三間接受非 csl 客戶買機同埋無 The Club 或 Tap and Go 用戶等要求，一間只限客戶）係今個星期，可能 csl 想招攬更多街客，除左將「淨機超激價」優惠的資料放係更當眼的位置宣傳之外，大家可以留意下，其實有更多機款加入左劈價行列之中。當中比起大鋪減更多的要數 BlackBerry Priv ，呢部原價要成 $6488 的 BB 旗艦係劈價戰中都「即減 $600」賣 $5888 ，但見到價錢貼近六千係吸引力上當然唔太得。 csl 今次劈價之中就加入左 BlackBerry Priv 而且減得更狠，賣價只係 $5288 ，比起大鋪再減多六百蚊，大家又點睇？
除左 BB Priv 之外，另一款旗艦 LG G4 都有減。雖然而家有 V10 大家都未必會留意 G4 ，但其實 G4 可以話係第一批大鋪再劈價的機款，由「即減 $1000」變左做「即減 $1100」賣 $3598 ，但衛訊同百老匯減完再減都仲係唔夠 csl 平！而家 csl 將 G4 列入「淨機超激價」後，價錢只係 $3498 ，再平過大鋪一百（但 G4 可能只有單卡版而且同 V10 相距只有 $900 都可能係個問題）。
▲有關 csl 的淨機減價，有兩樣野係特別要提的。第一，淨機減價其實不止 csl 分店， 1010 一樣都有，同時大家可以見到，每間分店展示出來的減價旗艦都有不同（只有 Z5P 、 V10 同 Note 5 每間都有），但版主到一間沒有展示 G4 減價的分店問過，其實一樣有得減。另外，淨機價是否只限客戶呢？版主在元朗的 1010 以及旺角 csl 都問過，一樣係非客戶照樣可以買機。
▲除左 G4 、 BB Priv ，比起大鋪平的還有 Samsung Galaxy A8 。
▲同時間 Zenfone Selfie 價錢上都係比起大鋪平的。
SUN Mobile 有乜平？ C5 Ultra 是也
跟 csl 「淨機超激價」相比， SUN Mobile 現時的淨機價一般來講都「無 so」，部份機款更加係貴過大鋪。不過 Sony 的 C5 Ultra 係一個例外。現時大鋪一般做緊「即減 $600」即係 $2398 呢個價錢。不過， SUN Mobile 的淨機價就做到 $2298 ，上台價更加做到 $1798 ，將一部中階機一下打落千元價位，都算係咁吧？
▲ 可以咁講，而家 SUN Mobile 轉左上台優惠內容後，係競爭力上係弱左的，不少手機的「淨機價」仍然貴左大鋪。 C5 Ultra 能平過大鋪都算係另類了。
在文章發佈時，BlackBerry Priv 賣價為 $5888，按此看手機詳細規格及最新賣價。
在文章發佈時 ，LG G4 賣價為 $3598，按此看手機詳細規格及最新賣價。
在文章發佈時， Sony Xperia C5 Ultra 賣價為 $2398 ，按此看手機詳細規格及最新賣價。