Sony 旗艦大舖跌穿四千，原價直減 $1600！
講左 Sony 先，今次劈價的主角，是上半年旗艦手機 Xperia X Performance。呢部手機剛發表的時候，叫價 $5598，實在是定得太過高，不過後來就減下減下，跌到落 $4498。唔知係因為趁住 V20 加價，乘機減價搶客，還是因為 Xperia XZ 推出之後，少左人買 X Performance，最近 X Performance 再一次劈到一個新低價，大舖價跌穿四千，最新賣價為 $3998，呢個價，真係原價直減 $1600。至於細舖方面，則比大舖不多 $300 左右，網友又會唔會考慮呢？
▲ 大舖近日終於將 Sony Xperia X Performance 的賣價調低，最新賣價為 $3998。
HTC 10 跌穿四千關口，你會揀佢定揀 Sony？
除左 Sony X Performance 之外，版主留意到最近 HTC 10 都有減價的跡象。不過，並唔係講大舖，睇番大舖，賣價其實依然企硬 $4498，雖然呢個價算合理，不過版主覺得可以更抵。講嘅係細舖價，上一兩個星期之前，HTC 10 細舖依然做緊 $4100 左右的價錢，到了今個星期，終於跌穿了四千關口，最新賣價約為 $3998。比較 HTC 10 與 Sony X Performance，兩部手機的價錢都相當接近，而且同樣係用上 S820 處理器。不過，HTC 10 就有 4GB RAM，而 X Performance 就得 3GB，但 X Performance 儲存空間又相對 HTC 10 大，有 64GB。呢兩部機之中，網友又會點揀呢？
▲ 雖然大舖未有減，不過細舖最近終於跌穿了四千！最新細舖價約為 $3998，你會揀佢定揀 Sony 呢？
Sony Xperia X Performance 在文章發表時，大舖賣價為 $3998，按這裡有詳細規格及最新賣價。
HTC 10 在文章發表時，大舖賣價為 $4498，按這裡有詳細規格及最新賣價。