雖然 LG G6 大舖未見減價，依然係保持着六月頭 $4698 呢個價位，不過細舖行貨已經跌到 $3580 左右，同水貨價相差大約 $500。LG 雖然不時爆出死底板的消息，但版主用左 G6 一段時間，都未見出事，唯獨是使用體驗一般，有時會出現一點窒機的情況。但還是不得不承認的是，G6 的廣角鏡頭，用來影風景感覺還是不錯的。
至於再舊代的 LG G5，最近問過豐澤，而家做緊最後清貨，最新賣價為 $3398，相比原本大舖價便宜 $300，而旺角先達水貨價則跌到二千，大約 $2080 呢個價位。呢個價錢買部 S820 旗艦，又有得換電，吸唔吸引到網友入手呢？留言講下啦！
▲ 在旺角先達，LG G6 行貨賣緊 $3580，而水貨現時賣價則是 $3080。
▲ 至於 G5，原來而家已經跌到落 $2080 左右價位，呢個價入手 S820 手機，都算是可以考慮的！
LG G5 在文章發表時，大舖賣價為 $3398，按這裡有詳細規格及最新賣價。
LG G6 在文章發表時，大舖賣價為 $4698，按這裡有詳細規格及最新賣價。