劈價、加價又再劈價！Google 再推促銷優惠真係有平到？
上文提到 Google 係 1 月頭將 Nexus 5X 同 6P 大劈價，其實仲有下文的，就係去到 2 月中 Google 取消左呢個限時優惠，價錢又即時變返正價。所以今次雖然係 Google 第 2 次大減價，但可以預期減完都未必真係平好多。先講 Nexus 5X，係今次 Google 促銷之中可以減 $700 ，係減價後 16GB 版以及 32GB 版價錢分別係 $2298 以及 $2798。想要減價更多就要留意 Nexus 6P，因為今次 Google 促鋪三個容量版本都係減 $1000 ，價錢為分係 32GB 版本 $3688 以及 64GB 版本 ＄3988。另外，剩下只有 Google store 有賣的 128GB 版本 Nexus 6P 官方而家無貨，所以減左價都買唔到了⋯⋯講完減價再同大家做個比較。雖然話 Google 係「加完再減」，但 Nexus 5X 同 6P 的促銷價對比大鋪現時賣價，仍然係有優勢的，不過價錢相距好少。好似 Nexus 5X 32GB 版本而家大鋪賣價 $2998 ，同 Google 相比只係差兩百蚊， Nexus 6P 64GB 版本而家大鋪賣緊 $4088 同 Google 更只係相差一百。可以見到 Google 其實有平但又平唔到幾多。反而要留意係，版主發現，而家已經有不少大鋪已經沒有全新機，只得陳列品，會不會意味住 Nexus 5X、 6P 都即將唔賣，而家都好難講了。唔知對於有意入手上代旗艦的朋友而言， Nexus 系列今次的限時減價有無吸引力呢？留言講講吧！
▲ Nexus 6P 減得比較多，有成 $1000（但而家大鋪都會減 $900 啦）。
▲ Nexus 5X 16GB 版只係 $2298 其實幾吸引，但不支援 Micro SD 卡就幾麻類了。
▲ 如果大家到 google store 買的話，要留意係「您的購物車」先會見到減價後的價錢啊！
在文章發佈時， Google Nexus 5X 16GB 版本價錢為 $2,298 ，按此看手機詳細規格及最新賣價。
在文章發佈時， Google Nexus 5X 32GB 版本價錢為 $2,798 ，按此看手機詳細規格及最新賣價。
在文章發佈時， Google Nexus 6P 32GB 版本價錢為 $3,698 ，按此看手機詳細規格及最新賣價。
在文章發佈時， Google Nexus 6P 64GB 版本價錢為 $3,898 ，按此看手機詳細規格及最新賣
來源：Google Store