衛訊率先推九折買旗艦機優惠！ HTC 、 Sony 、 LG 、 Samsung 都有份
今次帶頭做起買旗艦機有九折優惠嘅大鋪就係大家都熟悉不過的衛訊啦！同一般信用卡優惠或者平時的「特價發售」不同，今次衛訊所做的 10% 即減係包括 HTC 、 Sony 、 LG 同埋 Samsung 各大牌子的旗艦。由賣價接近七千五百嘅 Galaxy S6 Edge 以至四千四有找的 HTC One E9+ 都有份，大熱機種好似 LG G4 同樣包括在內。當中版主個人認為較為值得留意的主要有三部機，第一就係明天先正式開賣，而家仲係預約階段的 Sony Xperia Z3+ 。一般旗艦機推出左一段時間後減價不足為奇，但係旗艦機未正式推出就有折扣就真係少見，定價 $5698 的 Xperia Z3+ 一開賣就可以用 $5128 呢個價錢買到相信有吸引力吧！另一部同樣值得留意的手機就係 HTC One M9 ，雖然吸引力未必係咁大，而且一推出以來 M9 都一直有減價，但係大鋪目前賣價都仍然係 $4998 ，用衛訊的九折優惠就可以用 $4498 就買到，都算係吸引的價錢吧。同樣係 HTC 的 E9+ 可以留意一下，因為本身 E9+ 定價都唔算太貴，只係 $4398 ，用九折優惠入手的話只需要 $3958 。不過同之前版主 Keith 分享過的細鋪價相比都仍然貴一百。
九折買機門檻頗高，優惠會員獨享
講完有邊幾款旗艦機較為吸引之後，好多朋友都想知衛訊優惠點先做到。好坦白講，係有點難度，因為今次的九折優惠係針對衛訊會員的。版主問過只有現時係衛訊的會員才可以享有九折即減優惠，而成為會員的方法就係在三個月內在衛訊購物滿五千蚊或以上，一次過買滿五千或以上或者於衛訊購物 N 次金額合共五千都可以。不過，如果閣下本身不是會員（跟版主一樣）又可否在買指定手機時即場做會員再享有九折優惠呢？答案係不可以的（雖然店員話可以買完一部機做會員後再用九折買其他機，但都無意思啦
）。所以今次九折優惠雖然覆蓋大部份旗艦，但係用到的朋友可能不會很多。大鋪暗價還擊
至於其他大鋪又有無即時作出行動反擊呢？今日版主問過旺角主要大鋪，都未見有同類優惠，不過有一點頗為有趣，就係不少大鋪而家都肯做暗價，版主試過問 M9+ 同 LG G4 ，都可以用九折買到。今次衛訊帶頭做優惠會否代表新一輪的減價戰快將到來呢？大家要密切留意了。
▲ 係今次九折優惠之中 HTC 所佔比重最多，除左有 M9 同埋 E9+ 之外， M9+ 一樣有得即減 10% 。
▲ 要留意 Samsung 的 S6 Edge 的 32GB 同埋 64GB 係有即減 10% ，而 Galaxy S6 反而沒有。另外補充返版主所見其他牌子有優惠的型號，分別有 LG G4 同埋 Sony Xperia Z3+ 。
在文章發佈時， Sony Xperia Z3+ 尚未正式開賣，定價 $5698 ，按此看詳細規格和最新賣價。
在文章發佈時，HTC One M9 賣價為 $4998 ，按此看詳細規格和最新賣價。
在文章發佈時， HTC One E9+ 賣價為 $4398 ，按此看詳細規格和最新賣價。
在文章發佈時， HTC One M9+ 賣價為 $5998 ，按此看詳細規格和最新賣價。
在文章發佈時，Samsung S6 Edge 32GB 版本賣價為 $6598 ，按此看詳細規格和最新賣價。
在文章發佈時，Samsung S6 Edge 64GB 版本賣價為 $7498 ，按此看詳細規格和最新賣價。
在文章發佈的時侯， LG G4 單卡與雙卡版本賣價為 $5698，按此看詳細規格和最新賣價。