未見清貨 Butterfly 2 ，反而有可能係最平的 Boomsound 體驗！
首先講左一單比較多人留意的消息先，有網友提到有間大鋪做緊 Butterfly 2 的最後清貨，價錢只係 $2298 仲會送埋 JBL 耳機，性價比相當吸引！其實網友所指的大鋪就係中原，版主都到左旺角中原分店睇過，雖然未有發現 Butterfly 2 的蹤影，但係就有一部比起 Butterfly 2 更平，主打用到 4G LTE 以及 Boomsound 喇叭的 Desire 610 做緊清貨。其實 Desire 610 在中原清貨都有一段相當長的時間，但價錢係近排就有更平的趨勢。在規格上 Desire 610 而家來看規格相當入門，有 4.7 吋 qHD 解像度屏幕， Qualcomm S400 四核配 1GB RAM 以及 8GB 內置容量，相機係 800 萬像素主鏡頭以及 130 萬像素前鏡。雖然 Desire 610 規格無乜吸引力，但勝在支援 Boomsound ，價錢就係 $1298 ，算唔算抵玩呢？呢個就要睇大家點睇，因為佢下一代 Desire 620 都只係 $1598 ，相差三百但後者又有雙卡又用到中港 4G 呢。
▲Desire 610 呢個「優惠價」算不算平，真係好難講，版主都唔識答。
▲如果大家真係想入手 Butterfly 2 的話，其實都唔容易，因為衛訊近排都好難找到了。
Sony 今年推出防水機大鋪再減兩千有找！
上文提到的 Butterfly 2 清貨雖然版主未見到，但個人覺得可信性仍然係相當高的，因為中原一向有將 HTC 旗艦清貨的往績，上一部就係 Desire Eye ，所以有興趣的朋友都可以到其他分店留意下。除左 HTC 之外，其實 Sony 都有防水機減到千元價位，所提的就是今年發佈，定價 $2698 的 M4 Aqua 了。本身 M4 Aqua 都有一定的吸引力，係支援 IP68 嘅防水規格的同時有 720p 解像度 5 吋 IPS 屏幕，處理器就係 S615 以及 1300 萬像素主鏡頭。不過 M4 Aqua 的賣價其實都算減得幾勁，相信係因為後來 M5 Dual 推出而且價錢也不算很貴的緣故吧，在賣價方面，目前 M4 Aqua 係大鋪只係 $1998 ，同細鋪行貨價錢只係差一百蚊左右。
▲ Android 機係豐澤賣價一向都比其他大鋪貴，但係 M4 Aqua 都只係兩千有找。
文章發佈時， HTC Desire 610 賣價為 $1298 ，按此看手機詳細規格及最新賣價。
文章發佈時，Sony M4 Aqua 賣價為 $1998 ，按此看手機詳細規格及最新賣價。