1. 唔怕爆 Storage !升級後 M8 加入 SD 卡合併功能
大家都知, One M8 只係得 16GB 的內置容量,係升級 Android 5.0 之後,可用空間就更少,一唔小心就會用爆。係升級 Android 6.0 之後,其中一個重點就係加入左將 SD 卡當成內置容量的功能。大家就唔怕用爆 Storage 啦!(不過,呢個功能對 SD 卡要求相當高, HTC 方面就建議用家用 SDXC/SDHC UHS-I Class 3 等 SD 卡)
▲港行 M8 用家而家應該會收到 Android 6.0 的 OTA 更新了。
▲要用到 SD 卡合拼功能好簡單。係「儲存空間與 USB」裡面,按 SD 卡一欄,就會見到「格式化為內部儲存空間」選項。用之前,記等閣下手上張卡要夠快啊!(版主手上部機不是港版,沒有中文)
2. 續航力有無更長?看來沒有呢!
唔少朋友都希望,隨著 Android 6.0 升級到來,手上的手機可以有更長的續航力。事實上, App Standby 程式預備階段或者 doze 閒置階段呢類功能,的確可以令手機在閒置的時候更省電。(雖然個人就唔太感覺到)從今次 M8 升級 Android 6.0 後,版主所做的 Geekbanch 3 測試(在飛航模式及連上 WiFi 情況下)可見, M8 的續航力成績其實沒有明顯改變呢!▲從 Geekbanch 3 結果可見,係 CPU 負荷大的情況下,即使上左 Android 6.0 ,手機續航都未見得會有明顯改變的。
3. 效能表現又如何?分數爆升一倍!
呢部份頗大程度係要歸功於安兔兔改左計算方法,令到手機排名來左個「大執位」。係安兔兔 6.0.1 上面, One M8 得分有成 68103 ,比起用上 S808 得 G4 得分更高之餘,同用上 S810 的手機差距都收窄左唔少呢!▲上到 Android 6.0 同埋安兔兔 6.0.1, One M8 的成績相當不錯,近七萬分,可以見到比 G4 還要高。
▲ 不過用返 5.7.3 版本就變左另一回事。(暫時個人上手體驗, M8 使用時係相當暢順的)