錯過限時優惠？平價 ASUS Padfone S 場內買得到！
上次 ASUS 推出限時優惠雖然極速被「秒殺」，不過 ASUS 官方特登去延長優惠時段，想買 Padfone S 的網友應該都皆大歡喜吧？不過版主都識到一啲「大頭蝦」既網友，忘記左自己要上網買手機，錯過左呢個「限時優惠」，不過其實都唔緊要，因為場價同樣搵到平價既 ASUS Padfone S 套裝。就好似深水埗福仁商場可以用 $2,599 的價錢去入手 Padfone S + 平板基座，雖然係比起網上的價錢貴 $100 ，亦都唔包無線充電座。如果真係想要無線充電座，其實都有另一個入手方式。全旺電一樓有間鋪用 $2,780 的價錢賣 ASUS Padfone S ，就會送原裝的平板底座與無線充電話，呢個價錢比起福仁貴 $200 ，去換一個原價 $399 的無線充電座係咪划算？其實最終都要睇個人需要既
。而講真 ASUS Padfone S 係上年旗艦入面比較便宜的一部，以 5 吋 1920 x 1080 解像度屏幕、Qualcomm S801 2.3GHz 四核、 2GB RAM ，內置 16GB 容量、 1300 萬像素主鏡頭的手機黎講，用唔到 $3,000 入手仲要連埋平板組件算係性價比唔錯，上次冇買既網友，又會唔會考慮一下呢？
▲現時深水埗細鋪賣 ASUS Padfone S + 平板底座是 $2,599 ，沒有無線充電座送；而旺電一樓有 ASUS 專賣店用 $2,780 賣平板＋底座＋無線充電座，大家覺得邊個划算？
在文章發佈的時侯， ASUS Padfone S 官方定價 $2,799 ，按此看詳細規格與最新賣價。