Zenfone Selfie 登場！兩千有找有 3GB RAM ＋ 雙千三萬像素鏡頭性價比爆燈？
猶記得係上半年， Asus 以 4GB RAM ＋ 5.5 吋 FHD 大芒同 64GB 內置容量但價錢兩千五蚊唔使作為賣點，一下子成了大熱機款，除左 Asus Store 不斷被掃光要補貨外，深水埗高登黃金更出現炒價，實在誇張！來到下半年，隨著更多以性價比為賣點的新機好似「頂爛市」的紅米 Note 2 出現， Zenfone 2 的吸引力相對上細左唔少。而 Zenfoen Selfie 作為 Asus 下半年重點之一，雖然棄用 4GB RAM 呢個賣點，但就改用相對穩定的 Qualcomm S615 處理器配 3GB RAM ，而且仲有前後雙 1300 萬像素自動對焦相機，同埋用上可換式電池。作為剛推出的機種， Zenfone Selfie 真係好難要求減得多，如果從細鋪入手的話基本上都係平 $50 左右。但係 Zenfone Selfie 本身定價都唔係貴，即使無乜點減相信吸引力仍然不錯吧！
▲ Zenfone Selfie 同 Zenfone 2 系列一樣，定價較為「親民」，但未有大減價。
HTC Desire 826 大鋪減價鬥 Zenfone Selfie ！你會點揀？
如果兩千蚊左右換到大牌子大芒兼質素有返咁上下的新機，其實都唔係咁易， HTC 的 Desire 826 算係一個倒外。因為跌價強勁的關係， Desire 826 係最近一次減價後已經跌足一千！版主留意到原來 Desire 826 係大鋪方面都算係一部賣得較為好的 HTC 手機，可能因為有 5.5 吋 FHD 芒吧。另外在規格方面， Desire 826 同 Zenfone Selfie 都幾相近，同樣係用上 Qualcomm S615 處理器（但 Desire 826 只有 2GB RAM ）。雖然 Zenfone Selfie 係內置容量上有 32GB 比起 Desire 826 多，但係後者又有支援中港 3G / 4G 雙卡呢個優勢。相機方面雖然 Desire 826 未有 1300 萬像素雙鏡頭，但前鏡也有跟 HTC One M9 同級的 UltraPixel 四百萬像素相機。價錢上 Desire 826 而家最新賣價係 $2398 ，貴 Zenfone Selfie 四百左右。雖然 Desire 826 規格會較差但 HTC 手機勝在係保養方面不錯，不知大人又會點揀呢？留言講講吧！
▲ Desire 826 雖然效能造工都不算很出色，但勝在支援中港 4G 仲有雙卡，而且沒有用到討厭的 Sim 卡跟 SD 卡共享設計！
減完又再減， HTC One ME 價錢追平 One E9+
除左 Desire 826 有減之外，另一部係前排先減左價，同 M9+ 規格相約的 One ME 都再平左。早兩星期呢部機先係大鋪減過價，想不到話咁快又減多次。係規格上 One ME 同 One M9+ 一樣有 5.2 吋 2K 芒同埋用上左 2.2 GHz MTK Helio X10 處理器，又有指紋掃描，而且價錢又比起 M9+ 平一千有多，照理應該會成為熱賣的機種。不過近日在衛訊 One ME 再減多一百，同 One E9+ 一樣賣 $3398 ，看來銷情也不算很好啊！
最後，對於仍有興趣入手 HTC 手機的網友來講，唔知減完價後的 One M9 、 One ME 吸引力大啲，還是剛剛發佈的 Butterfly 3 更值得等待呢？不妨留言講講吧！
▲ One ME 係減完價後，在價錢上已經跟 One E9+ 一樣。
在文章發佈時， HTC Desire 826 最新賣價為 $2398 ，按此看手機詳細規格及最新賣價。
在文章發佈時，Asus Zenfone 2 最新賣價為 $1999 ，按此看手機詳細規格及最新賣價。
在文章發佈時， HTC One ME 賣價為 $3398 ，按此看手機詳細規格及最新賣價。