版主 Eddie: iOS 8 現身！
係講期望之前，我都分析一下現有既資料。從今次 WWDC 既佈置黎講，睇怕主角都會係 iOS8 同埋 OS X 10.10 。我仲記得上次 iOS7 發佈的時侯那種平面化的圖像被大家說成一個災難，結果不到一年時間就唔同手機廠都「學習」這種平板化介面，版主用了大半年也開始習慣這個介面了，從流出相片睇到 iOS8 應該不會是很大的改版，至於新系統如何係發佈之前我就唔敢妄下判斷啦。反而今次有冇新 iPhone 都唔係重點，因為點睇而家 iPhone 既規格都同旗艦手機有段距離了，大家入手 iPhone 主要都是 iOS 的實用性而不是單純看數字啊！
至於我最想見到既新產品？去年我係相當期待 Apple 推出 iWatch 等穿戴式裝置，這年試過不同品牌的裝置都覺得沒太多驚喜，然而我覺得第六代的 iPod Nano 作為隨身穿戴式裝置是很有潛質啊，如果推出新一代的 iPod 系列，加入與手機、平板、電腦連動的功能就已經不錯了。所以我最期待的就是將 iPod 系列再進一步更新，順便推出轉用 SSD 的 iPod Classic 就好了。
版主 Keith : 如果沒有 iPhone 6
一直有傳 WWDC 會發佈 iPhone 6，而「所謂」iPhone 6 在深圳的華強路也是成行成市。相信 iPhone 6 的真樣應與傳聞差唔多。問題係 iPhone 6 會唔會咁早發佈；有沒有一些特別功能。版主 Keith 問了唔少朋友，iPhone 6 有什麼新功能，他們一定衝：答案居然唔係大芒、相機、CPU，而係防水。若果 iPhone 6 有防水的話，相信要炒熱起來，唔會難吧。不過，版主情煩唔好咁快公佈 iPhone 6，唔係大家對其他 Android、Windows Phone 都無興趣。版主每天分享什麼都無用。。。好慘架。
版主虎仔: Apple Gaming Device
就有我版主虎仔嘗試天馬行空一點，我最想喺 WWDC 見到 Apple 推出遊戲機系統和主機。現時手提遊戲機基本上已經由 Android 和 iOS 裝置主導，如果 Apple 嘗試將現時的 iPod Touch 產品變成手提遊戲機，然後將 Apple TV 變成集電視和家用遊戲主機於一身的新產品，兩者可以互動的話，應該會非常吸引。試想想，在手提機完成副線任務，再同步或傳送數據到雲端，回到家中在遊戲主機繼續遊戲主線，應該會非常過癮。如今 Xbox 和 Windows Phone 正朝著這方向發展，以 iOS 高質遊戲數目眾多，如果在 WWDC 可以見到 iPod Touch 和 Apple TV 變身遊戲組合，這個配搭應該非常完美。提提網友，只要你有 Apple 的裝置，今晚想睇 Keynote 直播。可以到以下網址：
Apple 開發者年會 WWDC 2014 Keynote
日期：2014 年 6 月 3 日 (星期二)時間：凌晨 1 時 (香港時間)
地點：美國三藩市 Moscone Center
網上直播: 請按此 : Apple WWDC 14 的直播網址
雖然 Apple 有提供直播，不過只限 Apple 裝置先睇到，條件如下:
- Mac OS X 10.6 或以上電腦 ＋Safari 4 或以上瀏覽器或
- iPhone 及 iPad (iOS 4.2+ 或以上) 配合 Safari 瀏覽器或
- Apple TV 二代及三代 (固件 5.0.2+)