▲ 其中一間蘋果產品專賣店 Raakee 用貴 $800 的價錢去賣 iPhone 6 與 iPhone 6 Plus
豐澤正價賣 128GB iPhone 6！蘋果產品專賣店都有貨！
繼衛訊 VIP、至尊會員可以正價買到 iPhone 6 與 iPhone 6 Plus 之後，又有大鋪用正價賣機。版主 Eddie 行過豐澤就發現他們標示 iPhone 6 有現貨，問過是以 Apple 的正價去賣，不過轉眼間 128GB 和金色就已經賣清光了，店員說每天都會隨機番貨，買唔買到可能要睇彩數；同時版主在 In-Smart 蘋果專賣店問過， 128GB 三種顏色與 16GB 黑色的 iPhone 6 都有現貨可以用官價買到，可惜 In-Smart 就限定用現金／ ESP 付款，用信用卡需要加多 2% 的手續費。版主亦有去先達睇最新的 iPhone 6、iPhone 6 Plus 回收價，發現回收價開始出現混亂的情況，多款型號都只能用比起原價高 $12 ~ $112 的價錢去回收，回收價比較高的是 64GB 的 iPhone 6 Plus ，版主問到最多可以賺到約 $300 ~ $400 ，但亦有好多鋪開始唔收機，在百老匯門口亦開始出現「平手價」去收機，如果是已經開盒了的 iPhone 6/ iPhone 6 Plus ，分分鐘要蝕住放。
可能因為大鋪都已經「派貨」，先達場內的回收價和「全新行貨」價錢都大幅回落，現時 iPhone 6 (128GB) 「全新行貨」賣價大約在 $7,150 左右，比起官方價錢仲要平幾十蚊啊！而其餘型號的「全新行貨」賣價都係比起正價貴 $200 ~ $300 就買得到，可見其實已經冇咩水位，據說因為大陸的貨源都相當充足，睇怕今個月內都可以同炒價講 Bye Bye 啦！
▲現時 iPhone 6 與 iPhone 6 Plus 「全新行貨」的炒價都係貴正價幾百蚊，回收價更加唔使講啦，玩 iReserve 隨時連車費都蝕埋
▲豐澤已經用正價去賣 iPhone 6 的所有型號，不過長期排隊，版主排到的時侯已經沒有金色了。不過豐澤的一個好處是用現金和信用卡也是正價，也不用額外買配件
iPhone 6 、 iPhone 6 Plus 入手消息：
iPhone 6 電訊商現貨開賣唔使搶！iPhone 6 Plus 回收價跌到「冇肉食」？！
再次跌價！iPhone 6 Plus 場內低價蝕住賣！
大鋪開賣全因炒唔起？ iPhone 6 Plus 回收價再跌 市況慘淡
部份型號極速斷貨！大鋪正價開賣 iPhone 6、 6 Plus 衝唔衝？
iPhone 6、 iPhone 6 Plus 版主、網友評測分享：
iPhone 6、iPhone 6 Plus 版主上手！新舊 iPhone 簡單拼！網友開箱! iPhone 6 與 iPhone 6 Plus 近距接觸
解像度、可視角度、顏色如何？iPhone 6 / 6 Plus 屏幕拼 Android
版主點評 iPhone 6 Plus 夜拍效能！決鬥 B2 、 Z3 、Note 4 三大旗艦！
在文章發佈的時侯， iPhone 6 定價 $5,588 起，按此看詳細規格和最新賣價。
在文章發佈的時侯， iPhone 6 Plus 定價 $6,388 起，按此看詳細規格和最新賣價。
想知道 iPhone 6 、 iPhone 6 Plus 開賣時第一手消息？記得 Bookmark 我地既 iPhone 6 買機攻略！