百老匯、衛訊、蘇寧「炒價」散貨!先達場內蝕住賣!
首先最多人問的,究竟邊度可以 Walk-in 買到 iPhone 6 或者 iPhone 6 Plus 呢?版主 Eddie 可以答你,其實而家大鋪百老匯、衛訊、蘇寧都有得賣,不過就係貴 $600 ~ $800 的炒價,當 AOS 開放之後相信大家都唔會去用咁高的炒價買吧。老實講,今日版主經過西洋菜街的時侯,不少大鋪都很主動去推銷 iPhone 6 與 iPhone 6 Plus ,當然唔熟行情的人就有機會「中伏」,入手清最好睇多一次每個型號官價幾多啊。至於先達方面,當 AOS 正式開放大家都知道大概差不多「炒完」,畢竟貨源到版主寫文的這一刻仍然買得到,回收價當然就不會高,另一方面之前豐澤都開始有貨賣,當貨源那麼充足的時侯當然回收價都接近「玩完」,就版主所見仍然有些鋪肯去收機,不過開盒機就肯定要「倒蝕」,而就算全新機都係賺 $100 ~ $200 ,加上先達的海鮮價,放機風險都相當大。另一方面先達已經有鋪選擇「蝕住賣」手頭上的機,版主見到 iPhone 6 的 128GB 最低價甚至去到 $6,950 ,而 iPhone 6 Plus 最多也是賺大約 $200 ,雖然話比起百老匯等便宜,但博唔博得過就睇個人的接受能力啦。
▲今日 iPhone 6 與 iPhone 6 Plus 還有少量炒價,亦有鋪頭全面「蝕住賣」散貨
▲暫時場內都是 iPhone 6 Plus 價錢貴少少,不過這個情況應該維持不久
可 Walk-in 正價買機暫時只有豐澤!然而貨量實在不夠
要 Walk-in 正價買機?版主問過相熟的 Apple Store 店員,知道現時就算 Apple Store 都沒有真機可以 Walk-in 買,要正價買機暫時只有豐澤了。版主 Eddie 今日行過西洋菜街幾間豐澤,有兩間都說自己沒貨,有一間只有 iPhone 6 16、64GB 的黑色; iPhone 6 Plus 的 16GB 的黑色,其餘一切全部缺貨,大家都知道貨源有幾緊張,想用正價係豐澤買?行多幾間碰下運氣囉!至於上次問過有 128GB 正價賣的 Apple 產品專賣店 In-Smart,仍然只有 128GB 的 iPhone 6 是用正價賣,其餘型號都是貴 $600 左右的炒價,不過店員說有機會在這幾日改價錢,大家可以去碰碰運氣。
▲版主行過幾間豐澤,問到 iPhone 6 與 iPhone 6 Plus 都話冇貨
正價入手最好方法?還是 AOS 吧
睇完一大輪,大家都發現到而家要 Walk in 正價買 iPhone 6 / iPhone 6 Plus ,真係要靠運氣去多幾間豐澤啦。不過對於有信用卡的網,直到這一刻 AOS 仍然開放,下單之後只需要 7~10 日就可以免費送貨,當然也是蘋果官方的正價啦。當然真係要堅持 Walk-in 買機的,唯有再等一輪了。▲版主認為 AOS 是一個比較簡單的正價入手方法
iPhone 6、 iPhone 6 Plus 版主、網友評測分享:
iPhone 6、iPhone 6 Plus 版主上手!新舊 iPhone 簡單拼!網友開箱! iPhone 6 與 iPhone 6 Plus 近距接觸
解像度、可視角度、顏色如何?iPhone 6 / 6 Plus 屏幕拼 Android
版主點評 iPhone 6 Plus 夜拍效能!決鬥 B2 、 Z3 、Note 4 三大旗艦!
在文章發佈的時侯, iPhone 6 定價 $5,588 起,按此看詳細規格和最新賣價。
在文章發佈的時侯, iPhone 6 Plus 定價 $6,388 起,按此看詳細規格和最新賣價。
想知道 iPhone 6 、 iPhone 6 Plus 開賣時第一手消息?記得 Bookmark 我地既 iPhone 6 買機攻略!