iOS 9 即將登場！全新新功能撼 Google Now
同上次發佈會不同，今次 Apple WWDC 既然叫做 Developers Conference ，重點自然都會放左軟件上的升級而非新的硬件產品，所以今次 WWDC 主角好有可能就係 iOS 9 ，換句話講其實對大部份 iOS 用家包括 iPhone 同埋 iPad 都有直接的影響！版主就綜合左幾個外媒所作出的 iOS9 預測歸類出 6 個重點。重大改變 1 ：同 Spotlight 講 bye bye ， iOS9 將加入 Proactive
之前的 iOS7 以及 iOS 8 對 iOS 來講都可以話係相當重大的升級，前者係界面上改用左 Flat Design 而後者就有更好的 cross-app sharing 以及加入左 Widget 功能。相比起來 iOS 9 的新功能可能會比較少，但同樣重要，當中最有趣的新功能可能就係 「 Proactive 」。傳聞中的 Proactive 係功能上同 Google Now 可以話「打對頭」。 Proactive 主打功能就係 Lifestyle management ，除左會整合 Siri 、聯絡人、 行事曆 同其他第三方 app 之外， Proactive 更會透過對用家日常生活習慣的記錄而在適當的時候提供資訊，簡單來講就係同 Google Now 有著近似的功能啦！有左 Proactive 之後，以往 iOS 上的 Spotlight 搜尋功能就會被更全面的 Proactive 所取代，而用戶體驗相信都會更全面。
重大改變 2 ：不止 Apple Watch ，連 iPhone 都可以用到 Force touch？
之前盛傳新一代的 iPhone 將會加入 Force Touch 功能，同樣地，新的 iOS 相信都會加入 Force Touch 的支援。 Force Touch 在 Apple Watch 同 New Macbook 等新產品上已經加入左，用法同 Android 裝置上的「長按」類近，重點都係在屏幕上摸擬出好像實體按鍵一樣的質感。有傳 Force Touch 將會套用在新 Apple Maps 同埋行事曆等 apps 上。
重大改變 3：不再需要 Spotify ？ Apple 新串流音樂服務 iTunes 音樂任你聽
有關呢項傳聞版主虎仔較早前都有提及，而且機會都相當高！有關新的 Apple 串流音樂服務，目前所知就係 Apple 將會定出 10 美金（折合 HK$78）月費來容讓用家無限量地收聽 iTunes 音樂庫內所有歌曲，但就不會有需要用戶收聽廣告的免費服務，對版主來講呢項可能係最吸引的賣點了！
重大改變 4：更好用的 Apple Maps ，將加入公共交通路線支援
Apple 之前就透過推出自家地圖服務來取代了內置的 Google Maps ，但係因為功能十分陽春所以大部份 iOS 用家都甚少採用。係新一代的 iOS9 上， Apple Maps 有望可以得到提升啦！目前 Apple Maps 係沒有公共交通路線搜尋功能的，而新版本相信會加入。另外， Apple Map 預計會有新的「 Browse Around Me 」功能，詳情留待 WWDC 發佈時相信會更清楚 。
重大改變 5: 改用新字體！ San Francisco 登場
目前在 iOS 裝置上 Apple 採用緊的字體係 Helvetica Neue ，但為左提高在小屏幕上的文字閱讀體驗（主要係指 Apple Watch ）， Apple 將會在新的 iOS 上換上 San Francisco 字體。呢個新字體 Apple 在 2014 年推出，相信在 Mac OS X 上都會套用。
重大改變 6: 用盡大屏幕！分屏多工功能將加入？
分屏多工功能在 Android 裝置好像係 Galaxy Note 4 上並不是甚麼新鮮事，但係 iOS 上就仍然未有，有消息指 iOS 9 上 iPad 將會加入呢項功能。加入了分屏多工後， iPad 用家就可以同時使用兩個 app 又式者係兩個同樣的 app （好像是兩個 Safari 頁面），不知新功能是否為左傳聞中的 iPad Pro 鋪路呢？
以上就係傳聞中 iOS 9 將會加入的重點功能啦！其實除左 iOS 9 之外，新版本的 Mac OS X 以及 Apple Watch 專用 app 都好有可能係 WWDC 上面推出，但篇幅關係版主就未能盡錄了，大家一齊留意今晚的 WWDC 啦， ePrice 都會全程直擊㗎！
來源： The Verge 、 MacRumors 、 ZDnet