必升理由 1. 全新 Multiasking 體驗！ iPad 好用程度大升！
以往 Multiasking 在 iOS 上面可以話係比較弱的一環，來到 iOS 9 上 Multiasking 就得到了相當程度的改進。除左會有新的 app switch 介面之外，用家也能從中輕易將 iOS 裝置畫面一分為二（ Split - Screen Multitasking ）。另外， Apple 強調今次 iOS 9 可以真正的做到 「 Multi app 、 Multi task 」。除左可以係 Split - Screen 介面上所啟動的 app 能輕易做到互動之外，iOS 9 更可以做到將影片放在彈出式視窗中同時播放。全新的 Multitasking 功能可以係兩代 iPad Air 同埋 iPad mini 2 上用到，但係較舊的裝置好像 iPad with Retina 版就不能使用了，同時只有 iPad Air 2 先可以玩盡新 Multiasking 的功能。
必升理由 2. 加入省電模式！ iPhone 最多可以用多 3 小時
以往大家的 iPhone 係低電量狀態時除左會第一時間拎出「尿袋」或者搵地方充電時，更加會將作出不同的省電措施去令 iPhone 「捱多陣」。來到 iOS 9 Apple 終於都加入左 Android 有左好一段時間的省電模式啦！係 iOS 9 上Apple 除左強調 iPhone 能用多一小時之外，係省電模式開啟後最多更能用多 3 小時，對大家來講應該很吸引吧！
必升理由 3. 升級包容量大縮水！ 16GB 內置容量 iPhone 輕鬆升級
對於升級還是唔升級呢個問題，好多朋友最大的的疑慮就係升級需要用到不少容量！以 iOS 8 為例，升級包就有近 4GB 大，對於一眾 16GB 內置容量的 iOS 裝置用家來講的確帶來不少麻煩。為左令大家可以輕易升級，新的 iOS 9 只有約 1.3GB 大，對一眾 16GB iPhone ／ iPad 用家來講絕對是好消息。
必升理由 4. 全新 app 「 News 」登場！給用家睇雜誌一樣的體驗
係 iOS 9 上面有一個新 app 在 WWDC 發佈會上花左不少時間去介紹的，就係 News 啦！ Apple 講到明新推出的 News 旨在為用家提供一個好像真係睇緊雜誌一樣的體驗，但實際功能上版主個人就覺得比較似 Feedly 或者 Filpboard 了。用家除左可以選感興趣的 topic 同媒體去瀏覽之外， Apple 更提供左 Search 功能去比用家查找想知的 Topic ，再整理到好像雜誌版面一樣，比用家去查看。可惜，暫時 News 只會在英、美、澳三地率先推出，香港要等等。
必升理由 5. 備忘錄功能大強化，足以取代 Evernote ？
對於版主來講 iOS 裡面的備忘錄由於功能不算好出色，其實不太常會用到。但來到 iOS 9 上面備忘錄就有了不少進步。首先，備忘錄上新增的 Toolbar 可以話係靈魂所在，除左可以輕易新增 Checklist 、從相機中加入圖片、畫圖，以至加入連結之外。備忘錄更加可以透過 iCould 來 Mac 以及其他 iOS 裝置上同步。
必升理由 6. 加入公共交通地圖， Apple Maps 更好用了
雖然 Apple 強調 iOS 用家日常啟動 Apple Maps 的次數不斷增加，但大家都好清楚 Apple Maps 的功能係幾咁「豐富」。為左改善 Maps 的表現， Apple 終於加入左名為 「Transit 」的公共交通地圖，除左應該有的好似 step by step 路徑指示同埋整合了 Siri 之外， Apple Maps 更加入了地鐵站出入口指示呢啲對香港用家相當重要的功能。可惜，新的 Apple Maps 功能除左倫敦、 New York 等大城市都支援外，大陸城市好像北京、上海都可以用到，但就係無香港份。
必升理由 7. 將 Passbook 整合成 Wallet ，Apple Pay 可用層面更廣
Apple Pay 作為 iOS 8 上的重點功能來到 iOS 9 當然都會成為重點啦，今次 Apple Pay 除左在英國也可以使用之外，更加多了不少 apps 容許用家使用 Apple Pay 付款。另外 Passbook 也因為會加入用家的信用卡／提款卡資料而改名為 Wallet。不過，目前 Apple Pay 幾時會在香港啟用仍是未清楚，版主都不講咁多了。
必升理由 8. 加入 Proactive 私人助理，從此不再需要 Google Now
有關 Proactive 的內容版主係前文都有提及，呢項絕對有機會成為 iOS 9 的殺手鐧，值得大家留意。
必升理由 9. 舊至 iPhone 4S 都升到！多達 15 款 iOS 裝置可升級
最後一個必升理由其實好簡單，每次講新的軟體升級時，最緊要就係大家都可以升到啊！Apple 就宣佈所有支援 iOS 8 的裝置都能升到 iOS 9 ！意味著今次 Apple 並沒有淘大更多舊裝置，但不知 iPhone 4S 在更新後會有咩感覺呢？
最後，有關 iOS 9 的推出時間方面，Apple 就話 Developer Beta 版本今天就會釋出，而 7 月將會有大家可以用到的 Public Beta ，到秋季就會正式推出。睇完 9 大 iOS 9 必升重點之後，唔知大家又覺得相比起 Android M ， iOS 9 的進步又算不算大呢？不妨留言講下意見啦。
Apple WWDC 2015 有關 iOS 9、iPad 升級與 Apple Music 報導
全新 MultiTask ，新增省電模式！ 9 個 iOS 9 升級理由話你知對決 Google Now ！iOS 9 Proactive 登場，誰更好用？
蘋果OSX 三大更新硬挑 Windows 10 ？
Android 都有份! Apple Music 串流音樂 最平月費 $19 無限任聽
功能大補完！三大新理由入手蘋果錶
Apple 公佈 MacOS 新版 EL Captian，Adobe 軟件表現提升八倍