要點 1 ：「預先登記」留資料不等於排隊訂機！ 9 月 12 都要進一步確定
而家不少網絡商已經有 iPhone 6s 「預先登記」服務。不過同上年一樣， Apple 係規定左係 9 月 12 下午先可以預訂 iPhone 6s ，所以而家的「預先登記」其實只係比大家留低資料，到時再比電訊商通知你。但要留意就係有電訊商好似 Smartone 同埋中移動，如果不作事先登記的話， 9 月 12 號當日都未必可以做到預訂啊！
▲ 今年比起以往最大的不同就係中聯通都會加入賣 iPhone 6s 。
要點 2 ：手續基本上一致，先揀型號再等消息！
因為受到 Apple 的規限，各間電訊商的 iPhone 6s 開放預訂的時間完全一致（即係 9 月 12 號下午 3 點 01 分開始接受預訂）但係在手續上其實每一間都係大同小異。大家都係要再選定想要的型號同埋版本，同時係 9 月 12 號果日好大機會有埋月費計劃可以選擇，但目前仍然未知新的 iPhone 6s 同 iPhone 6s Plus 係月費計劃價錢上有無變動。（經驗上以往 3HK 係會有 500mb 數據計劃可以出到 iPhone ，成為左不少「劏機客」的最愛，未知今年會不會仲有呢？）
▲ 3HK 而家已經可以比大家揀定型號，但之後係 9 月 12 號大家仍是要再預訂的。
要點 3 ：預約服務或會收費，當中條款要留意！
各大電訊商的預約服務基本上都係免費的，但係如果大家有用過 Smartone RedPass 的話應該都會記得呢個服務係會比訂金的。而今年都不例外， Smartone 的條款就列明「你須於該智能手機開始接受預訂或訂購的首 48 小 時內，行使 RED Pass 及繳付相關按金以落實訂單」，當中按金係不可退還的（除非 90 日內未能取機）。按金金額方面之前經驗就係 $500 ，今年會否都係 $500 就暫時未知。
▲ 想在 Samrtone 預訂 iPhone 的話首先就要搞左 RED Pass （即係 Like 佢 facebook 先）。