Apple Store 門外、先達場內外，細機只有部份鋪頭收， 64GB 6s Plus 玫瑰金最多人要
寫在回收價目表之前，版主都要形容下在中環以及先達的大約情況的。今次同以往很不同，混亂程度比起上年更嚴重，主要原因版主留意到，不論係 Apple Store 門外收機，或是先達場內外收機的人，佢哋都係等緊指示，不敢大手收機，自然令放機的朋友更不安了。以往大家都會想知邊隻色甚麼容量最賺，但從中環以及先達情況來看，基本上係只有 iPhone 6s Plus 玫瑰金 64GB 係穩陣地有人收，以及可以淨賺到四位數字。要講多次，今次的 iPhone 6s 、 6s Plus 的場情不再係收幾錢、賺幾多，而係收唔收。同先前銅鑼灣情況一樣，如果係 iPhone 6s 的話，除左玫瑰金之外版主絕少見到有人收機（其實好像未見過），即使係 iPhone 6s 玫瑰金色的 16GB 以及 128GB 版本，版主在先達場內都有不少人已經唔收了。
而係 iPhone 6s Plus 方面，玫瑰金色 64GB 版本就最多人收， 16GB 一樣不太多人願意接貨，128GB 版主只係在先達場外見到人收過。其他顏色就相當難講，以 iPhone 6 Plus 金色 64GB 為例，在先達場內回收價見過有 $7600 左右。最後最後，版主只能講一句，回收價市況改變相當大，在先達場內更有不少細鋪已經停收 iPhone 6s 以及 6s Plus 。最後，點解版主係題目到會用有「轉機」來形容呢？因為個人強烈建議大家自用，反正好多款色都唔收了，仲係係「轉手機的機會」？其實自用都好嘅，畢竟手機係用來用不是用來炒啊！
▲ 帶帶頭盔先，因為市況變動快得緊要，以上價目表只可供參考。（上述表格是以玫瑰金色作為參考，因為其他顏色基本上不會收）
▲ 先達場內外方面，大約咁講， 6s 好少鋪頭收，即使收的價錢也不算很高，而 6s Plus 方面就只有玫瑰金的 64GB 較為吃香。
▲ 9 點半左右中環人頭湧湧，為的就是將部 iPhone 放個好價，不過問價者多失望者眾呢！
▲ 十點半左右到左先達門外，一樣人頭湧湧，但回收價其實不比中環好多少⋯⋯
▲ 要留意，今次在先達場內的回收價目表，其實不可靠，因為變得實在太快。以上圖為例，其實「細機」16GB 版主問過，係「平手價」呢
⋯⋯
▲ 今年比起往年更混亂，係因為絕大部份細鋪唔收金色以及玫瑰金以外的 iPhone 6s / 6s Plus ，卻會有個別鋪頭會收特定的顏色及型號。好像上圖的鋪頭版主問過，佢哋實係收 64GB 細機黑色，但講明只收幾隻。回收量如此少自然混亂啦！
iPhone 6s / 6s Plus 開售搶購秘技專集
一條 Link Click 入即買新 iPhone
一條 Link Click 入即買全新 iPad Mini 4
一條 Link Click 入即買 Apple Watch
版主教你點樣 Cut 單、退蝕本 iPhone 6S
大舖天價賣 iPhone 6s 太驚嚇
25/9 下午：iPhone 6s 回收價回升
iPhone 開賣，回收價即時報
版主一手開箱：iPhone 6s 與 6 Plus
iPhone 6s Plus 極速實試及 Hands On
iPhone 6s 開售! 話你知邊度有得買+參考價錢
小心中伏! 網絡商買 iPhone 6S 揀錯 Plan 蝕一千
教你應付 iPhone 6s 爆芒後的最佳處理方法
成像更靚！iPhone 6s Plus 實機試拍相片搶先睇
首賣 iPhone 無人理？中聯通大搞 6s／ 6s Plus 發售活動
大件事！iPhone 6S 太多貨，網絡商未出先傾銷?
iPhone 6s 銷量無減反增? 睇下 Apple 點講.....
版主教你 6 個步驟，超快係 AOS 搶 iPhone 6S