參考 Android 「手套模式」? Apple 新專利「手套觸控感應」!

左定坤 (Cho Ting Kwan) 2015-11-27 16:58 | Apple

最近天氣開始轉涼，唔知大家有無着多幾件厚衫呢? 版主我今日都戴番對手套出街。不過當你戴住手套想用智能手機嘅時候，屏幕會感應不到，需要除掉手套先可以用得到，但相對黎講好麻煩。為左解決戴住手套用電話嘅問題，部份 Android 手機推出了「手套模式」，採用懸浮觸控技術，就算戴住手套都可以控制到你嘅手機。而早前 Apple 提交了一項「Glove Touch Detection」(手套觸控感應) 的專利申請，相信好快就會在 iPhone 上實現手套觸控。



嘩! 真係好高科技喎! 事實上，手套觸控已經唔係啲咩野新鮮嘅事，早喺 2013 年嘅時候 Samsung 已經喺 Galaxy Note 3 上加入類似的技術，而且之後愈來愈多 Android 的智能手機都有支持「手套模式」，不過麻煩就麻煩在，當你用緊手套嘅時候，你要慢慢去番設定度尋找「手套模式」，然後將佢開啟，用完之後要將佢關上。而 Apple 將會推出的「新技術」，有機會可以唔駛做任何設定都可以隔住手套觸控屏幕。



到底係咪真係一個新技術呢? 版主覺得又唔可以咁講，個人認為 Apple 只係參考左 Android 的「手機模式」，然後在這項技術上作出少許優化，僅僅如此。不過，用開 Apple 產品的果迷，應該會對 Apple 這個新專利感到開心，呢項技術在冬天戴住手套使用手機的情況下，的確係幾方便嘅! 你覺得呢?

來源：AppAdvice | Patently Apple