Embedded SIM 先行者：Apple SIM
Apple SIM 是 Embedded SIM 的先行者，但操作上其實有兩種，一種是 iPad Pro 9.7 吋 Wi-Fi + Cellular 版本，是內建功能之一，真正 Embedded SIM；另一個以實體 SIM 運作，我哋可以叫作 Soft SIM，只要用上實體 Apple SIM 就做到 Embedded SIM 卡嘅功能。有了 Apple SIM 你可以係 iPad 目錄內揀選網絡及上網計劃。Apple SIM 初期支援網絡商唔多，比較知名有美國 AT&T、T-Mobile；日本 KDDI AU；英國 EE 及兩間提供全球數據漫遊公司包括 GigSky 及 AlwaysOnline Wireless 等。今日起 Apple SIM 加入本地嘅 3 香港。對於 iPad Pro 9.7 吋 Wi-Fi + Cellular 版，未來可以用 Embedded 嘅 Apple SIM 係本地揀 3 香港服務，但今日為止，3 香港依然未有相關計劃。而去到外地，亦可以過兩間數據漫遊公司，揀 Plan 上網，但上網費貴過買遊旅遊上網 SIM，以 GigSky 日本漫遊為例，200MB 七日用量可達 HK$195，真係你用埋我個份。
▲ Apple SIM 其中一間漫遊數據網絡商 GigSKY，日本漫遊 7 日 200MB 收你 $195！呢個價，香港買日本 SIM 可以用 2GB FUP 無限上網了。
非 9.7 吋 Wi-Fi + Cellular 版本 iPad Pro 用家，只能使用實體 Apple SIM
事實上，Apple SIM 暫時只在 iPad 中出現， iPad Pro 9.7 吋 Wi-Fi + Cellular 版用 Embedded SIM，實體 SIM卡版本，支援型號如 iPad Air 2、iPad mini 4 等等。實體 Apple SIM 係澳洲、加拿大、法國、德國、義大利、日本、荷蘭、西班牙、瑞典、瑞士、土耳其、英國與美國有售，好快香港都有份。
▲ 實體 Apple SIM 的販賣地區中，今日起新增了香港。
原來，Apple SIM 的合作夥伴中，加入了 3 香港。根據 Apple 香港官網上的描述，「香港本地流動網絡供應商 3 既提供短期及長期的流動數據計劃，亦可選擇將 iPad 加入現有帳戶，與其他裝置分享數據。你也可以透過 GigSky 和 AlwaysOnline 等即用即付數據供應商，購買本地使用的定額流動數據。」不過，有關 3 香港 Apple SIM 計劃的售價未定，但可以確定的是，香港 Apple Store 好快就會有 Apple SIM 賣。但非 9.7 吋 Wi-Fi + Cellular 版本 iPad Pro 用家，用左 Apple SIM，就會無左 SIM Slot，用唔到 csl、SmarTone、中國移動香港....Apple 實體 SIM，其實係 3 香港上台 SIM 加一張好貴嘅漫遊 SIM。
▲ Apple 香港官網在 Apple SIM 頁面的描述中，加入了「適用於香港的數據計劃」。
▲ 而合作夥伴中，亦加入了 3 香港。
Embedded SIM 係 Apple 先行，雖然係其他手機嘅規格還未完整，但似乎係手機通訊界未來流嘅技術，大家有平價儲值卡好用啦，可能過多一兩年，無得玩架啦。
來源：Apple