Facebook 連玩 7 日，一日一部 Honor 4X ！遊戲細節要留意
其實同大家分享華為的優惠可能有少少遲，因為呢個連玩 7 日送 Honor 4X 其實在 5 月 20 號呢部機推出時已經開始左，但正面咁諗大家仍然有 4 日可以挑戰啊！今次的遊戲唔需要大家上 vmall.hk 同人鬥按 F5 ，只需要到華為香港的 Facebook 回答兩條問題就可以啦。在 5 月 22 號到 5 月 26 號期間，每日 Huawei Device HK 都會推出兩條問題，如果答岩左問題 A 而同時係問題 B 上提供了最具創意答案的參加者就有機會得到 Honor 4X 一樣。雖然遊戲係好幾簡單但大家都要注意一啲細節。首先就係除左要 Like 同 Share 該遊戲貼文外，亦要將個人資料 Inbox 至 HUAWEI Device HK Facebook 專頁，咁先當係成功參加今次活動。另外，參加的朋友係遞交答案後，如果再 Edit 答案也將被取消資格。大家玩的時候就要留意啦。相近價位雙卡手機競爭激烈，你會點揀？
講返華為 Honor 4X 先，老實講版主其實對呢部機有少少失望，因為 Honor 4X 在大陸推出時係以平價同時有雙卡全網通（即支援中港所有 3G 、 4G 頻段）作為主打，但係在香港的 Honor 4X 版本雙卡雙待雖然得以保留但係就無左打通全中港所有 3G 、 4G 呢個賣點。如果以 $1280 呢個價錢來講，同樣有雙卡支援的手機都仲有魅藍 Note 、 Zenfone 2 (720p) 同埋有雙卡外更有五模十六頻的小米 4i 。係競爭者都具有一定吸引力的情況下唔知大家仲會否選擇 Honor 4X 呢？不妨留言講講啦。
來源：Huawei Device HK
在文章發佈的時侯，華為 Honor 4X 定價為 $1280，按此看詳細規格與最新賣價。