華為 P8 登場，主打輕薄金屬機身 ＋中港雙卡 4G
有關華為的 P8 的特色在之前全球首發時版主 Eddie 都有用大家分享過，基本上 P8 可以叫做賣設計靚仔兼有著唔錯既規格。係外型上面輕、薄同埋一體成型的金屬機身就係重點。係厚度上 P8 只有 6.4mm 同埋重 144g 。係造工方面 P8 其實都算交足功課，經過打磨的機身邊框有著好像 iPhone 5s 的「鑽石切磨」式斜邊效果。在規格上， P8 採用 5.2 吋 FHD 解像度屏幕，處理器方面就係八核 Kirin 930/ 處理器就配上 3GB RAM 同埋 16GB 內置容量，要留意 Kirin 930 其實都係旗艦級處理器，係跑分方面其同 S810 旗艦機有著相近的成績。而係相機就面就用左搭載 O.I.S. 光學防震以及 RGBW 四色感光元件的 1300 萬像素鏡頭同埋 800 萬像素前鏡。另外電池容量就係 2680mAh 。作為一部雙卡中港 4G 手機， P8 除左係 4G/3G/2G + 2G 雙卡雙待，雙卡槽支援 4G 外，更加支援大陸的 TD LTE B38 、 B39 、 B40 同埋 B41 ，而且 3G TD SCDMA 都支援。係外型顏色上， P8 就會有銀、灰二色。
▲ P8 採用的 1300 萬像素主鏡頭除左支援光學防手震外，鏡頭旁邊都有雙色溫 LED 閃光燈。
4G 雙卡 5 吋芒，華為 P8 Lite 同步登場
另一款同時間登場但係在英國發佈會時未有出現的新機華為 P8 Lite 今日同樣係香港發佈。簡單來講 P8 Lite 可以話係 P8 的細芒平價版，係外殼用料上都由 P8 的金屬機身變成外觀好像金屬但實質係塑膠的材質。在規格上雖然心起 P8 弱，但係價錢就較為親民。除左有 5 吋 720p 芒之外， P8 Lite 係處理器上都用左次一級的八核心 Kirin 620 1.2GHz 處理器配上 2GB RAM 同埋 16GB 內儲容量。相機方面就同 P8 一樣有 1300 萬像素主鏡頭但前鏡就改為 500 萬，電池量就有 2200mAh。另外，雖然 P8 Lite 都支援雙卡 4G ，但係就沒有大陸 4G 以及 3G 頻段的支援，而係顏色上就有黑、白兩色。大家就要留意啦。
P8 定價 $3780 ， P8 Lite 唔過二千！兩部機性價比算唔算高？
係價錢同埋開賣日期方面華為 P8 同 P8 Lite 將會係 6 月 9 日開賣，而價錢就分別為 P8 $3780 以及 P8 Lite $1880 。以定價來講版本一向覺得華為係中階機方面係有一定吸引力的，但係綜觀 2015 年 Android 手機係價錢競爭上實在相當激烈，千元價位都已經可以買到有著不錯規格的手機。唔知大家對華為的 P8 同埋 P8 Lite 又有沒有興趣呢？留言講講意見啦！
▲ 同日發佈唔止兩部新機咁簡單，仲有呢隻耳機、手環二合一的 Talkband B2 ，價錢要 $1480，而黑、白色軟膠版本手帶就要 $1180 。你又點睇？
在文章發佈時， Huawei P8 Lite 定價為 $1880 將於 6 月 9 日開賣，按此查看手機規格及最新賣價。
在文章發佈時，Huawei P8 定價為 $3780 將於 6 月 9 日開賣，按此查看手機規格及最新賣價。