跑分 20000 分! Honor 5X 傳於本月 10 日發佈!

左定坤 (Cho Ting Kwan) 2015-10-06 16:42 | Huawei

喺 10 月初嘅時候，虎仔咪同大家提過， Huawei 會推出一部中階機，部機個名叫做 Honor 5X，唔知大家仲有無印象呢? 虎仔果陣時就同大家介紹過，呢部 Honor 5X 雖然係一部中階機，但佢比一般中階機強嘅係，佢配備左 3GB RAM，以中階機黎講，3GB RAM 算係一個優點。虎仔當時話，Honor 5X 將會喺今個月推出，但當時未知實際日期，而家掌握到更多資料，就等版主同大家講下呢部機幾時發佈啦! 



Huawei 在官方微博上表示，將會喺 10 月 10 日舉辦一個活動，而呢個活動將會以「青春玩不停」為主題，暗示當天將會為大家介紹一部符合「青春」、「年輕」嘅智能手機，而呢部手機好大機會就係 Honor 5X。亦即係話，到左 10 月 10 日，Honor 5X 就會正式現身。


▲ 華為終端官方微博上的消息，表示 10 月 10 日將會舉行新品發佈。

呢部 Honor 5X 早前已在中國工信部登錄，而 Antutu 亦在微博上提及，呢部 Honor 5X 跑分為 20916 分，採用了 5.5 吋 1080p 大屏幕，並配備了 Qualcomm Snapdragon 615 處理器、3GB RAM 以及 32GB ROM。在相機方面，Honor 5X 採用了 1300 萬像素主鏡頭以及 500 萬像素前置鏡頭。Honor 5X 將會運行 Android 5.1.1 系統。

  
  
▲ Honor 5X 在工信部的正面、背面以及左右側面圖。

  
▲ AnTuTu 在微博透露 Honor 5X 的規格以及跑分，而 Honor 5X 的跑分有 20916 分。

大家有無用過 Huawei 嘅智能手機? 唔知大家覺唔覺得呢部手機「年輕」呢? 至少版主我自己並唔覺得。版主我自己都用緊部 Huawei Mate 7，覺得個樣好似仲好過呢部 Honor 5X 咁。不過睇相有時睇唔出嘅，都真係推出左上手試完先知佢嘅真面目。你對於呢部機有咩看法呢? 講黎聽下啦! 

來源：華為終端官方微博 | 安兔兔 Weibo | GSMArena