真係無邊框咩? 警察爆料 Sony C5 Ultra 原型機曝光!
|
Sony
成件事就好似睇電影咁,Sony C5 Ultra 工程機係巴西被偷走,究竟點樣被發現同追番部機呢? 呢部工程機被警方發現放上類似 ebay 既網站出售,聲稱呢款手機價值 1200 萬美金,計算埋研發成本咁話。警方發現之後,就搵到呢個小偷既 Facebook,並話有興趣購買呢部 C5 Ultra 工程機,引出小偷相約見面,最終成功將佢拘捕。巴西警方最大既功勞在於,將呢部工程機既正面曝光!大家望下下面:
其實呢個正面圖,同之前流出既電腦圖 ( 請看下圖 ) 好相似,正面有大大顆自拍鏡頭,旁邊還有一個 LED 補光燈。兩者做一個對比,就會發現相似度非常之高,由此可以推斷,C5 Ultra 真機相距 Xepria blog 流出既操作手冊示意圖唔遠!
目前 C5 Ultra 流出既資料顯示,會採用 MTK 八核心處理器,2GB RAM 配 16GB ROM,支援插卡,1300 萬像素主鏡頭,並有前置 LED 補光燈。至於係咪用 5.5 吋 FHD 大芒同埋前鏡頭係咩規格就未確定。另外,係咪真係無邊框設計,就要等巴西警察著芒比我睇先知道啦!
來源:globo