主題:平千二蚊體驗更好?對決 Z3+,Xperia M5 Dual 外型、跑分、相機測試

ePrice HK
  • 發表時間:2015-08-12 19:52 收錄檢舉
    係上星期發佈而且反應相當正面的 Xperia M5 Dual 同埋 C5 Ultra Dual 今日就係香港正式登場啦!而當中 Xperia M5 Dual 所擁有的規格更加係同不少旗艦機「有得揮」。係用上旗艦級別的 MTK 處理器,新的 2000 萬像素鏡頭同埋 IP65/68 防水規格。係呢個情況下相信好多朋友都會好奇, Xperia M5 Dual 會否係俾起 Z3+ 更加抵玩呢?入來睇睇兩部機的比拼你就知!

    平千二蚊體驗更好?對決 Z3+ M5 Dual 試外型、跑分、相機


    4G 雙卡 FHD 芒 Xperia M5 Dual 外型比拼 Z3+ !外型似樣但細節有不同

    Xperia M5 Dual 的規格大家都應該很清楚,外觀照亦一早見過,但係在細節上大家就未必清楚啦!同 Xperia Z3+ 相比 M5 Dual 的外觀同設計上其實相當近似,都係用左 Z 系列的 Omni Balance 雙面玻璃設計。而係細節上同 Z3+ 都相當接近,例如有 IP65/68 防水規格的同時係設計上都係有無蓋式 USB 插口,而且雙 Sim 卡同埋 SD 卡由同一個防水蓋所遮蓋,可以話係 Xperia Z3+ 上得到得到不少讚賞的設計都放左係 M5 Dual 之中。當然,係某些細節上 M5 Dual 其實跟 Z3+ 都係有分別的,例如邊框有不錯的金屬質感,但係用上不鏽鋼物料的就係手機四周的圓角。不過,整體來講 M5 Dual 係外觀上都係有 Xperia  Z 系列的水準,不會令大家失望的。

    平千二蚊體驗更好?對決 Z3+ M5 Dual 試外型、跑分、相機
    ▲ 將 Z3+ 拍埋入 M5 Dual 之中大家能否第一眼就識別到?icon

    平千二蚊體驗更好?對決 Z3+ M5 Dual 試外型、跑分、相機
    ▲ 係正面來講, M5 Dual(左)以及 Z3+ (右)的主要分別在於 M5 Dual 因為用 5 吋屏幕所以機身較細,同時前置鏡頭就更大。

    平千二蚊體驗更好?對決 Z3+ M5 Dual 試外型、跑分、相機
    ▲ 機背上 M5 Dual 都係用上玻璃材質,感覺跟 Z3+ 基本上一樣。

    平千二蚊體驗更好?對決 Z3+ M5 Dual 試外型、跑分、相機
    ▲ M5 Dual 同 Z3+ 一樣, SIM 卡同埋 SD 卡槽都係置於手機的左邊。

    平千二蚊體驗更好?對決 Z3+ M5 Dual 試外型、跑分、相機
    ▲ 係開關鍵、音量鍵同埋相機快捷鍵的佈局上, Z3+ 跟 M5 Dual 是一樣的,但大家可以見到係手相邊框方面兩者所用的物料有所不同。

    平千二蚊體驗更好?對決 Z3+ M5 Dual 試外型、跑分、相機
    ▲ 機底上 M5 Dual 一樣用左無蓋 USB 插口而且同 Z3+ 不同, M5 Dual 的喇叭會置於底部的。


    配備 MTK Helio X10 處理器 + 3GB RAM !同 Z3+ 相比表現各有千秋

    雖然叫做中階機,但係 Xperia M5 Dual 的配置其實同一般旗艦機卻係不份伯仲,處理器上面用上支援 64 Bit 的 MTK Helio X10 MT6795 八核心 2.0GHz 處理器配 3GB RAM 以及 16GB ROM 。係跑分表現來講 M5 雖然未算係出色,但係版主係初步試玩來講感覺其實同一般旗艦分別不大,倒如影相時反應相當順暢同埋儲存時間都唔需要好長,用家一般日常使用會係足夠的。另外相信係因為改用左 MTK 的 Helio X10 處理器的關係,使用時發熱情況並不算很嚴重,呢樣對於被 S810 處理器嚇怕左的用家來講相信會有吸引力啊!

    平千二蚊體驗更好?對決 Z3+ M5 Dual 試外型、跑分、相機
    ▲ 同之前版主 Keith 所做的 Xperia Z3+ 跑分測試相比,M5 Dual 大約低左萬五分左右,但以中階手機來講表現其實都算不錯。

    平千二蚊體驗更好?對決 Z3+ M5 Dual 試外型、跑分、相機
    係 Vellamo 方面,雖然 M5 Dual 係 Chrome 瀏覽器方面分數只有 1720 。但係多核以及金屬兩項分數上其實跟 Z3+ 表現差不多。

    平千二蚊體驗更好?對決 Z3+ M5 Dual 試外型、跑分、相機
     係 Basemark ES 2.0 Taiji 圖像測試上 M5 Dual 的表現可以話「以下剋上」,因為比起 X3+ 的 42.26 FPS , M5 Dual 的表現更亮眼。

    平千二蚊體驗更好?對決 Z3+ M5 Dual 試外型、跑分、相機
    係跑完安兔兔、 Vellamo 同埋 Basemark 2.0 後,從 CPU-Z 中可以見到 M5 Dual 的 Thermal 之中未有超過 50 度。


    Sony 相機完全體? Xperia M5 Dual 相機功能有驚喜

    係 M5 Dual 發佈時,官方提到係相機方面有三大重點;分別係「快速混合式對焦」系統、 5X 清晰影像變焦同埋 4K 影片拍攝。不過版主就留意到其實係細節上係有不少改進大家係會滿意的,首先以往係使用  Superior Auto Mode 時,相片的解像度只有 800 萬像素,但係來到 M5 Dual 上面大家就可以係 Superior Auto Mode 之中用到 2150 萬像素啦!另外不少朋友都會用到手動模式,而今次 Sony 亦都係手動模式之中加入左 HDR 選項,整體來講係更好用了!

    平千二蚊體驗更好?對決 Z3+ M5 Dual 試外型、跑分、相機
    係  Superior Auto Mode 時大家係設定中先選 4:3 的比例。

    平千二蚊體驗更好?對決 Z3+ M5 Dual 試外型、跑分、相機
    可以見到影出來的相片係 5312 x 3984 的解像度,即係有 21MP 解像度啦!

    再講返 M5 Dual  係對焦方面的表現先,係用上快速混合式對焦系統後 M5 Dual 同使用傳統對比式對焦的手機相比,係速度上明顯係有優勢的。睇左以下同 HTC One M9+ 的對比大家就會明白啦!


    ▲ M5 Dual 的主相機對焦速度同 M9+ 主相機對焦速度的對比實測影片,可見 M5  Dual 的確較快。

    另外一個 M5 Dual 的賣點就係 5X 清晰影像變焦,係效果上同樣清晰易見的,下面有圖可見。
    平千二蚊體驗更好?對決 Z3+ M5 Dual 試外型、跑分、相機 平千二蚊體驗更好?對決 Z3+ M5 Dual 試外型、跑分、相機 平千二蚊體驗更好?對決 Z3+ M5 Dual 試外型、跑分、相機
    ▲ 係加入左 5X 清晰影像變焦功能後, M5 Dual 最盡可以 Zoom 到連圖畫中的招牌字體都可以見到。


    小結:定價 $3698 但仍然相當競爭力,大家會點揀?

    M5 Dual 的定價公佈左之後,可能出乎左不少朋友的意料之外。確實 M5 Dual 的售價比起原先預期係較高的,不過試用過後版主就覺得其實 M5 Dual 都仍然可以話係值呢個價。除左跑分上表現未算亮眼之外其實 M5 Dual 表現以中階手機來講實在係可圓可點,同時有防水、雙卡、尺吋剛剛好的 5 吋 FHD 芒同埋功能上有大改進的相機,其實都好難要求更多啦!如果將 M5 Dual 同 X3+ 相比的話大家又會揀邊部呢?一齊來講講啦!

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia M5 Dual
    • 現時售價: 已下市
    • 尺寸: 145 x 72 x 7.6 mm / 142.5 g
    • 電池: 2600 mAh
    • 插卡: microSD
    • 螢幕: 1920 x 1080、 5 吋 IPS TFT
    • 相機: 2150 萬像素CMOS
    • 顏色: 金/黑/白
    • 時間: 通話 731 分鐘 / 待機 607 小時
    • 上市: 2015-09-09
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2015-08-12 23:59 檢舉
    5" 唔緊要,但就係欠窄邊,可惜。
    02樓 ▲TOP 回列表頁