主題:愈賣愈平!Sony、三星旗艦鬥賤價,大舖價最平二字頭!

ePrice HK
  • 發表時間:2017-01-09 20:11 收錄檢舉
    當一部新旗艦推出,而舊代大舖仲有擺出來賣,一般只有兩種情況,一係部機吸引過新一代,仲有佢嘅市場價值,就好似 Sony Xperia Z5 咁; 一係就賣極都賣唔出,長擺長有要清舊貨。無論係邊種情況都好,兩者都有一個共通點: 。Sony 手機連連減價,上個月版主就同大家提過,Sony Xperia Z5 大舖直減 $2700,今個月又到 X Performance 出現新低價。與此同時,三星旗艦亦都跌到落 $3000 有找,不知這個價錢,會是入手好機會嗎?

    愈賣愈平!Sony、三星旗艦鬥賤價,大舖價最平二字頭!

    Sony Xperia X Performance 年頭減價兩次?
    先同大家 update 一下 Sony Xperia Z5 的最新賣價,上回提到 Z5 大舖減價,不過細舖當時似乎未跟得上大舖的減價步伐,事至今日,最新賣價又如何呢?根據版主的觀察,Z5 細舖曾經一度減至 $2998,不過到 12 月尾賣價又回升番,最新賣價約 $3198,相比大舖賣價更高。至於 2016 上半年旗艦 X Performance,自今年年頭版主同大家講,衛訊、豐澤等大舖減價至 $3898,最近再出現新低價,蘇寧門市直澄減至 $3598,相比其他三間大舖仲要便宜多 $300。呢個賣價,網友點睇呢?

    愈賣愈平!Sony、三星旗艦鬥賤價,大舖價最平二字頭!
    ▲ X Performance 蘇寧而家跌到落 $3598,不過有消息人士透露,其實衛訊都可以做到呢個價,但唔一定做到。呢個價先至係合理價位?

    三星 S 系舊代旗艦清貨賣!最平三千有找,網友要敗?
    不止 Sony 旗艦有減價好抵玩,其實三星舊旗艦或者會更抵玩。講緊嘅係三星 S6 以及 S6 Edge+ 的豐澤價,不過並非間間豐澤有擺出來,應該係部份店舖仲有貨剩,所以先要賤價清貨賣 (版主去果間係位於大埔的豐澤)。當中的 S6,大舖最後清貨價 $3000 唔使,$2998 呢個價錢,同 S7 相差 $1300,又可唔可以接受呢?至於曲屏版、有 2K 芒的 S6 Edge+,則賣緊 $3832,網友又會唔會考慮敗呢?

    愈賣愈平!Sony、三星旗艦鬥賤價,大舖價最平二字頭!
    ▲ S6 現時清貨價為 $2998,三千唔使其實算係咁。

    愈賣愈平!Sony、三星旗艦鬥賤價,大舖價最平二字頭!
    ▲ 至於 S6 Edge+,則賣緊 $3832。

    Sony Xperia X Performance 在文章發表時,蘇寧賣價為 $3598,按這裡有詳細規格及最新賣價
    Samsung Galaxy S6 在文章發表時,大舖賣價為 $2998,按這裡有詳細規格及最新賣價
    Samsung Galaxy S6 Edge+ 在文章發表時,大舖賣價為 $3832,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁