主題:好過買尿袋!千元手機挑戰大電王!LG / 小米 / ASUS 鬥抵玩

ePrice HK
  • 發表時間:2017-01-10 14:36 收錄檢舉
    版主個人認為,今時今日手機最重要的,不是 CPU 有幾快,而是佢有幾大電量。當然,你不一定會認同,以上所說的,也許只適合於平時不多用手機打機的人。又要規格唔差,又要大電,有錢的當然可以考慮華為 Mate 8,今個月已跌穿三千價位。不過,平時用機粗粗地,又主要係用來打出打入 send 下 WhatsApp 碌下 Facebook,其實千元手機都有不少大電甚至核電的選擇。一齊睇下有咩可以揀!

    好過買尿袋!千元手機挑戰大電王!LG / 小米 / ASUS 鬥抵玩

    LG 平價入門系列!X 系手機最抵玩係佢?
    大家都係對手機熟悉的人,都知道 LG X 系列係玩平價、入門市場,現時的 X 系手機有 X Cam、X Screen、X Power,當中的 X Power 是版主認為現時最抵玩的 X 系 LG 手機,雖然規格上係不夠看,用上 MTK U 仲要得 2GB RAM + 16GB ROM,但佢勝在具有 4100mAh 大電,支持快充不特止,仲可以利用 OTG 反向充電給其他裝置使用,確係做手機又得,做尿袋都得。而 X Power 大舖賣緊 $1598,而最近亦在細舖有減價,最新賣價約 $1280,相比同系列的 X Cam、X Screen 還要便宜。呢個價錢,網友會考慮入手嗎?

    好過買尿袋!千元手機挑戰大電王!LG / 小米 / ASUS 鬥抵玩
    ▲ LG X Power 大舖賣緊 $1598,不過細舖價最近開始下跌,最新賣價為 $1280。

    小米三款平價大電手機,邊款你會揀?
    三款平價大電手機?邊三款?首先要講嘅當然係紅米 Note 系列,現時仲有賣的行貨手機有 Note 3 同 Note 4,前者賣 $1299,而後者則賣 $1499。相差 $200 有乜分別?Note 3 最大的優勢在於,佢係用上 Qualcomm U; 而 Note 4 雖然係用 MTK U,但勝在有 64GB ROM。兩者具備的電量相若,Note 3 有 4000mAh 電,而 Note 4 則有 4100mAh。不過,如果唔介意細芒,5 吋的紅米 3S 同樣有 4100mAh 大電,只需 $999,網友又點揀呢?

    好過買尿袋!千元手機挑戰大電王!LG / 小米 / ASUS 鬥抵玩
    ▲ 紅米 Note 4 是現時紅米最新的行貨手機,不過不少人會寧願買番上代 Note 3。

    千元巨電王!ASUS 五千核電手機,網友要敗?
    一睇就知版主講緊 ASUS ZenFone Max,千幾蚊五千大電,確實抵玩。而 ZenFone Max 亦有兩個版本,分別為 S410 + 2GB RAM + 16GB ROM 的標準版,以及 S615 + 3GB RAM + 32GB 的高配版,而高配版的充電速度亦相對更快。唔介意細容量同慢充,標準版細舖價約 $1100 左右; 而高配版最新賣價則約 $1370。無論係標準版還是高配版,都支持雙向充電,可以當尿袋用。以上幾部千元大電手機,網友覺得邊部最抵玩呢?

    好過買尿袋!千元手機挑戰大電王!LG / 小米 / ASUS 鬥抵玩
    ▲ ZenFone Max 而家大舖已經無了,如果仲想買可以考慮細舖。至於大舖而家放出黎嘅,係 ZenFone 3 Max,電相對無 ZenFone Max 咁多,只有 4100mAh,有 5.2 吋同 5.5 吋兩個版本,前者只有 2GB + 16GB,大舖價為 $1599,而後者則有 3GB + 32GB,大舖價為 $1999。

    LG X Power 在文章發表時,大舖賣價為 $1598,按這裡有詳細規格及最新賣價
    紅米 Note 3 在文章發表時,賣價為 $1299,按這裡有詳細規格及最新賣價
    紅米 Note 4 在文章發表時,賣價為 $1499,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁