LG G5 系列跌到二字頭! 抵玩嗎?
無錯，講緊嘅係 LG G5 SE，你可能會問，乜而家仲有賣架咩? 好似好多大舖都唔見有喇喎。起初版主都係咁認為，不過有一日經過中原，發現原來中原仲有賣，而且最新賣價只需 $2820，個樣同 G5 一模一樣，主要不同是用 S652 處理器同埋得 3GB RAM，呢個價錢又抵唔抵玩呢?
▲ 無錯! G5 SE 中原仲見有賣，$2820 呢個價，抵唔抵玩? (不過唔係間間店舖有，聽聞貨只有好少，想買的話請自行打電話到門市查詢)
LG / Sony / 三星大鬥性價比!
在同價位手機當中，其實 Sony 的 XA1，都算是比較值得留意的一部手機，雖然係用 MTK U，但相比舊代 XA，XA1 有 3GB RAM + 32GB ROM，的確係容易令人接受得多，其手機賣點係 sell 自拍靚，最新大舖價為 $1998。不過講到性價比喇喎，點可以唔數三星的 C 系列，特別是 C5 Pro，除左芒 size 之外，基本上大部份配置都同 C7 Pro 相若，大舖賣緊 $2798，有 S626 處理器 + 4GB RAM + 64GB ROM，又似乎吸引過 LG G5 SE 同 Sony Xperia XA1，你又覺得係唔係呢?
▲ C5 Pro 算係呢個價位入面性價比最高 (好似係)，用 S626 處理器 + 4GB RAM + 64GB ROM，賣 $2798。
▲ 按上圖或按這裡比拼 LG G5 SE、Sony XA1 以及 Samsung Galaxy C5 Pro 的差別。
LG G5 SE 在文章發表時，中原賣價為 $2820，按這裡有詳細規格及最新賣價。
Sony Xperia XA1 在文章發表時，大舖賣價為 $1998，按這裡有詳細規格及最新賣價。
Samsung Galaxy C5 Pro 在文章發表時，大舖賣價為 $2798，按這裡有詳細規格及最新賣價。