主題:大舖 / 網絡商齊清倉!大芒手機平價賣!Sony 六吋手機跌到一字頭!

ePrice HK
  • 發表時間:2017-06-29 18:34 收錄檢舉
    有不少 ePrice.HK 網友,都會留意大芒手機,上星期網絡商 3HK 就將一部大芒手機清貨減價,不過網友就嫌配置太過入門,加上大芒但無 FHD 芒,就算只需一千蚊,都影響到網友入手的意慾。想買大芒手機,又要有 FHD 解像度,今日版主就有其他介紹,仲要係 Sony 品牌,聽落點都有保證一點吧?而且仲要跌到一字頭,似乎都叫做諗得過。講緊邊部?睇下文啦!

    大舖 / 網絡商齊清倉!大芒手機平價賣!一字頭入 Sony 六吋手機
     

    網絡商大芒手機清貨,Sony XA1 Ultra 終於有得減?

    今日星期五,例牌都同大家分享一下 3HK 的網店優惠。同上星期一樣的是,3HK 今次都係主要為六吋大芒手機清貨,除了繼續有 Alcatel A3 XL 之外,今次仲加入了 Sony XA1 Ultra!呢部 XA1 Ultra 其實都出左一段時間,但大舖依然一蚊都唔減,難怪版主會收到風聲,話呢部手機並唔係咁搶手啦~不過而家 3HK 就搶先同佢減,減 $650 至 $2638。講番部機,XA1 Ultra 今代最抵讚的是,佢終於有 4GB RAM + 64GB ROM,不過都係 MTK U,用上 P20 處理器,三千幾蚊始終都係貴左啲,但而家二千幾蚊,版主個人覺得係可以敗的。你認為呢?

    大舖 / 網絡商齊清倉!大芒手機平價賣!一字頭入 Sony 六吋手機
    ▲ 不過呢,今次呢個 XA1 Ultra 優惠係 3HK 客戶專屬的,如果有興趣想入手的話,就要搵用緊 3HK 的朋友幫手買了。

    大舖 / 網絡商齊清倉!大芒手機平價賣!一字頭入 Sony 六吋手機
    ▲ 一千蚊貨仔,不過得 720p 芒同埋 2GB / 16GB,好似令唔少網友卻步吧?

    大舖 / 網絡商齊清倉!大芒手機平價賣!一字頭入 Sony 六吋手機
    ▲ 順帶一提,3HK 今次都有將 Alcatel A5 LED 減價,都減左五百幾蚊,賣 $1318。仲記得呢部手機嗎?呢部就係版主之前上手試玩過,可以換個 LED 後蓋的「閃光手機」。

    大舖 / 網絡商齊清倉!大芒手機平價賣!一字頭入 Sony 六吋手機
    ▲ 當然唔少得嘅係萬年 iPhone,想知更多的話,可以按這裡進入 3HK 網店
     

    千幾蚊入手 Sony 六吋大芒手機!

    標題就話,Sony 六吋手機跌到一字頭,但頭先講緊 XA1 Ultra,都要 $2638 喎?何來一字頭呢?接住下來版主想講的,就不是網絡商,而是大舖的清倉減價。無錯就係上代的 XA Ultra,出面其他大舖一係就已經無貨,而就算有貨,最後賣價都要 $2298,即使新一代 XA1 Ultra 上場,但價錢上依然沒有變改。不過而家中原就將佢以低價清貨,只需 $1908 就可以入手,雖然只有 3GB RAM + 16GB ROM,比起新代 XA1 Ultra 規格差一截,但都比起 XA1 Ultra 便宜不少。無可否認的是,而家呢個價錢玩到 Sony 大芒手機,其實都算幾抵玩。你認為呢?

    大舖 / 網絡商齊清倉!大芒手機平價賣!一字頭入 Sony 六吋手機
    ▲ 據版主所知,XA Ultra 貨剩低唔多,而版主問旺角果間,就表示只有黑色。

    Sony Xperia XA Ultra 在文章發表時,中原最平賣價為 $1908,按這裡有詳細規格及最新賣價
    Sony Xperia XA1 Ultra 在文章發表時,3HK 網店賣價為 $2638,按這裡有詳細規格及最新賣價
    iPhone 7 Plus (32GB) 在文章發表時,3HK 網店賣價為 $5888,按這裡有詳細規格及最新賣價
    Alcatel A5 LED 在文章發表時,3HK 網店賣價為 $1318,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁