紅米 Note 2 香港早過台灣出，最平可能 $999？
早幾 日就有新聞指出，紅米 Note 2 係台灣已經得到 NCC 認證，係年底就可以開賣。近來小米已經將香港列作跟台灣、馬來西亞等地一樣為「海外市場」的一部份，所以台灣有機會推出，香港當然都走唔甩啦！版主即時到 深水埗收風，睇下能否找到更多在港開賣的資料。雖然而家深水埗不少細鋪都係主力賣紅米 Note 2 ，但對於呢部機行貨來港，佢哋反應都好淡然，好像早料到一樣。有場中人表示，近日已有一大批紅米 Note 2 來左香港，而且參照現時紅米 Note 2 在大陸 7xx 人仔的取貨價，標準版雙網通紅米 Note 2 到港時，小米以 $999 呢個「震撼價」開賣確實有可能！當然，以上消息不是由小米官方所透露，換言之價錢係幾多現時都係未知之數。
▲ 現時紅米 Note 2 在大陸定價仍然係 999 人仔高配版以及 799 人仔標準版。
11 月頭將於馬來西亞舉行發佈會！
講 完未經確認的消息再分享一些已經確認的資料吧！其實，小米香港已經發出左邀請函，內容當然就是紅米 Note 2 的發佈會啦！一般來講，已經推出左的手機再搞個海外發佈會除左日期之外實在無乜亮點，但要留意係今次紅米 Note 2 發佈會是在 11 月 3 號於馬來西亞舉行！當中大家可以看到發佈會已經透露左兩個消息比大家，第一就係紅米 Note 2 在港推出日期不會很遠，可能會同馬來西亞、新加坡、台灣等地同時推出。（好吧，這部份有點慶話）另一點值得大家思考的就是，小米自從將香港定為「海外市 場」後，除左只係於海外推出的小米 4i 之外，其他原先已在大陸開賣同時支援中港 4G 的手機好像紅米 2 以及小米 Note ，來到香港後都「國際」起來，不再支援大陸 TD LTE 頻段。所以今次小米會否維持其策點略，定下相當具吸引力的價錢，但就除消了紅米 Note 2 原先支援的大陸 4G 呢？那就要留意 ePrice 啦！
▲ 可以見到，今次的發佈會將於 11 月 3 日在馬來西亞舉行。不過版主就覺得小米搞得海外發佈會，應該不會只有紅米 Note 2 發佈吧！可能有驚喜都唔定呢！
在文章發佈時，紅米 Note 2 到港開賣日期未定，按此看詳細規格及最新賣價。