小米 5s 下周發表！第三部 S821 手機，跑分破 16 萬！
小米日前已經確定，將會在下星期二 (亦即是 9 月 27 日) 舉辦新品發佈會，在宣傳海報上又見到大大隻「S」字，暗示將會發表的手機應該係會有個「S」字，由此可以合理推測，9 月 27 日發佈會的主角，很大機會就是傳聞已久的旗艦手機小米 5s。根據目前流出的資料顯示，小米 5s 將會配備 S821 處理器，而且安兔兔跑分更達 164002 分，雖然不及 iPhone 7 17 萬的跑分，但已經相當接近了。另外，小米 5s 有傳會用上 5.15 吋弧形屏幕，尊享版更內置 6GB LPDDR4 RAM 以及 256GB 儲存容量 (UFS 2.0)，並配備 1600 萬像素支持 PDAF 相位對焦以及四軸光學防震的主相機。電池方面預計會有 3940mAh，並支持 QC 3.0 快速充電技術。
▲ 宣傳海報上大大隻寫住「S」，並且寫上「它們來了」，暗示 9 月 27 日當天並不只有一款新品，有機會會有 4 吋細芒小米 Small。
舊代旗艦逼住減！平過行貨，呢個價網友會敗？
有新機推出，舊有的手機會減價是常識吧？大家都知道，上代旗艦小米 5，其實係有三個容量版本，分別為 32GB、128GB 以及 256GB，不過香港行貨就只有 3GB RAM + 32GB ROM，開價 $2599，而家官方就將建議零售價降為 $2399，減了兩百蚊。而除了香港官價有減之外，水貨都逼住減。版主在深水埗福仁行場時發現，小米 5 而家水貨，32GB 標準版賣緊 $2080，比香港行貨仲要平多三百，而 64GB 高配版則賣緊 $2380，亦都比現時大陸最新定價 2099 人仔 (折合港幣約 $2439) 還要便宜。至於尊享版 4GB RAM + 128GB 雖然都有減，但依然維持高位，賣 $3280，比大陸現時 2399 人仔 (折合港幣約 $2788) 還要貴不少。
▲ 小米 5 目前的最新水貨價，32GB 同 64GB 都算是便宜，分別比港行及大陸官價還要便宜，但 128GB 目前就持續高位。
6GB RAM + 64GB ROM！OnePlus 3 價不跌反增？
如果你又想要 S820 手機，但又想要容量大，小米 5 以外其實亦都可以考慮 OnePlus 3，有 6GB RAM + 64GB ROM。不過入手 OnePlus 3 比較有點麻煩，香港又無店舖，想買機只有兩個方法，一係就上官網預訂，但要等，一係就水貨店。記得版主 Keith 在七月有同大家提過，OnePlus 3 在深水埗福仁的舖頭，大陸水貨都係賣緊 $3098。雖然而家水貨都仲有賣，不過睇番個價錢，咦，$3280，無平不單止，仲要貴左？店員就話，其實之前個價升得仲勁，而家已經跌番落黎，但都係未能回到兩個月之前的價錢。OnePlus 3 版主 Keith 用過，評價都相當不錯，問題係價錢上，你願意等到佢再平多一點才入手嗎？
▲ OnePlus 3 在深水埗福仁的最新價為 $3280，相比兩個月前的售價，不減反增。
小米 5 (32GB) 在文章發表時，賣價為 $2399，按這裡有詳細規格及最新賣價。
OnePlus 3 在文章發表時，賣價為 $3098，按這裡有詳細規格及最新賣價。