小米 5s Plus 水貨抵港，開賣即有生意？
相信大家都不會忘記，就在剛剛的星期二，即是三天前，小米在北京舉行了新品發佈會，發表了兩部旗艦新機，分別為小米 5s 以及小米 5s Plus。就規格上來看，這兩部機的而且確是不錯的，配備了目前最強大的 S821 處理器 (要注意細機小米 5s 的 S821 處理器是閹割版，雖然都係 S821，但實際上跟 S820 基本上是一樣的)，而且大機小米 5s Plus 更有 6GB RAM + 128GB ROM，係有少少吸引的。但一講到外型，不少網友都覺得，今次小米 5s / 5s Plus 的設計，真的大不如前，甚至更有人用「醜」字來形容。
今日小米 5s Plus 水貨抵港，64GB 版本第一水開價 $2880，而 128GB 版本則開價 $3280。以為今次小米 5s Plus 應該無乜吸引力，點知深水埗福仁有店舖表示，小米 5s Plus 大約下午三時多到貨，到六點左右已經賣出了兩部，成績算是相當不錯。至於小米 5s 又點呢？店員稱佢地無入到小米 5s，買小米 5s 點解唔買小米 5 呢？網友覺得係唔係先？不過講開又講，版主今日終於親身上手過小米 5s Plus，的確如我之前估計一樣，機背質感是用了紅米 Pro 的那種，如果跟紅米 Note 4 相比，我會覺得紅米 Note 4 所用的金屬更為吸引。
▲ 深水埗福仁有店舖表示淨係會鶗小米 5s Plus，可見對於店舖來說，小米 5s 是沒有吸引力，雖然係用上 S821 處理器，不過係閹割版，實際上跟 S820 基本是一樣的，所以要買小米 5s，還不如入手上代小米 5。而小米 5s Plus 的第一水賣價，64GB 版本賣價為 $2880，而 128GB 版本則為 $3280，呢個價，網友覺得點呢？
▲ 至於上代旗艦小米 5，其實可以見到，32GB 以及 64GB 版本水貨價都不斷有減價，唯獨 128GB 則企硬 $3280，同小米 5s Plus 的 128GB 版本一樣價錢。所以如果打算買 128GB 版本，我會建議買小米 5s Plus；如果堅持想買小米 5 因為係陶瓷、靚，我會建議買 64GB 好過，畢竟 64GB、128GB 的賣價都相差近千元。
前後相機 1600 萬 仲有 Wi-Fi？Vivo X7 Plus 128GB 呢個價又點睇呢？
講到大陸品牌手機，版主最常分享的都是華為、小米等等，反而 Vivo 手機就比較少提。唔知嘅可能以為，Vivo 係一個細牌子黎架啫，但實際上並不是，在今年第二季的國產手機排名中，華為、OPPO 以及 Vivo 分列前三，至於小米就連影都唔見，可見其實 Vivo 呢個品牌，都是不容忽視的。而早前版主行場時已經有留意到 Vivo 一部手機 X7 Plus，不單止有前後 1600 萬像素相機，有 5.7 吋大芒，而且仲內置 4GB RAM 以及 128GB ROM，對於中意聽歌睇片的網友來說，Vivo X7 Plus 更內置 Hi-Fi，版主之前試過用佢黎播歌，係可以播得好大聲，值得推下，可惜就只有 Qualcomm S652 處理器。至於價錢方面，Vivo X7 Plus 現時水貨賣價為 $3380，相比 128GB 的小米 5s Plus 貴 $100。但 Vivo 同小米，你會點樣揀呢？
▲ 呢部 5.7 吋、配備 S652、內置 4GB RAM + 128GB ROM、具前後 1600 萬像素相機、仲有 Hi-Fi，水貨價為 $3380，如果同小米 5s Plus 相比，你會揀邊部？
最平價 128GB 手機，會是佢嗎？
講到最平價的 128GB 手機，我第一時間諗到的是小米 Max。小米 Max 是現時小米推出屏幕最大的手機，有 6.44 吋，對於喜歡睇片、打機的網友來說，都是可以考慮的。不過要注意的是，小米 Max 香港淨係得 3GB RAM + 32GB ROM 版本，所以要買 128GB 的話，真係一定要買水貨。而睇番深水埗福仁店舖小米 Max 的賣價，這個星期價格持續企硬，無增無減，64GB 版本賣價為 $1750，128GB 則賣 $2230，呢個價，相比小米 5s Plus、Vivo X7 Plus 還要平成千蚊，應該可以稱得上是最平價 128GB 手機吧？網友又會考慮嗎？
▲ 小米 Max 今個星期同上個星期相比價無變，二千二入手 128GB 手機，你會否考慮呢？
小米 5s Plus (64GB) 在文章發表時，香港上市日期未定，按這裡有詳細規格及最新賣價。
小米 5s Plus (128GB) 在文章發表時，香港上市日期未定，按這裡有詳細規格及最新賣價。
小米 Max 在文章發表時，賣價為 $1599，按這裡有詳細規格及最新賣價。