主題:挑機三星、Sony!最平價 S835 手機發表,小米 6 一出即敗?

ePrice HK
  • 發表時間:2017-04-17 17:44 收錄檢舉
    無論係幾勁的處理器都好,去到小米的手上,都會變得好廉價,就好似上年小米 5s 咁,S821 處理器淪落至 $3000 有找,對網友來說也許是好事,但對其他廠商來說,就未必,開價開得高,網友又會拎小米嚟比,好似覺得小米先係標準,其實咁樣都好難搞。之前就有傳小米 6 將會用上 S835 處理器,而且仲話會有三星 Note7 的虹膜辨識功能,到底係咪真有其事,又平唔平呢? 就在剛剛,小米就在北京舉行發佈會,發表了小米 6,有關規格及賣價詳情,睇下文啦!

    挑機三星、Sony!最平價 S835 手機發表,小米 6 一出即敗?
     

    用不銹鋼邊框! 小米 6 系列真係有虹膜辨識嗎?

    好老實,部手機係好嘅,版主會讚,唔好嘅,我都會照直講。記得之前小米 5s 系列推出的時候,版主直言其機背設計真係好不美觀,同中國大陸開賣的紅米 Pro 一樣,都係用上膠味濃的所謂金屬。雖然,每個人品味唔同,以上我咁講或者都係帶着主觀成份,但我敢肯定還是有不少網友會認同。明明小米 5 設計咪幾好,做乜無啦啦要轉款,係唔係先? 不過,今次小米推出的小米 6 系列,終於讓版主睇到,有番小米 5 果陣的設計風格,不過後殼就相對更加圓潤,至於邊緣部份仲會唔會有小米 5 咁𠝹手呢? 就有待版主稍後的上手試玩。

    小米 6 機身回復了 4D 玻璃加不銹邊框鋼材質設計 ,具有 5.15 吋 1080p 屏幕,支援最光 600nits 陽光屏及 1nits 夜間護眼模式。小米 6 用了小米 5s 上的超聲波指紋識別「黑科技」,在屏幕下方會有個凹位,告知用家指紋辨識的位置。在小米 6 機背會發現用上了雙鏡頭,另外小米 6 亦支持生活防水功能,但要留意一點,小米 6 系列將會取消 3.5mm 耳機孔,要聽歌就得改為用 Type-C 耳機。
     

    真係有 S835 處理器! 最高 4500mAh 電池,支持快充!

    留意規格方面,小米 6 今次用上了 Qualcomm 最新旗艦處理器 S835,要知道暫時來說用上呢款 S835 處理器的手機並不多,只有三星 Galaxy S8 系列以及 Sony Xperia XZ Premium,而且呢兩款手機都尚未抵港,小米 6 系列有沒有可能搶先三星、Sony 在香港推出 S835 手機呢? 另外,小米 6 系列內置了最高 6GB RAM 以及 128GB ROM,具有 1200 萬像素雙主鏡頭,跟 iPhone 7 Plus 一様,由廣角及長焦功能,長焦副鏡頭支援 2X 光學變焦,並支援 4 軸光學防手震。小米 6 配 3200mAh 電池,支援 NFC,並有 Quick Charge 4.0 快速充電功能。

    挑機三星、Sony!最平價 S835 手機發表,小米 6 一出即敗?

    挑機三星、Sony!最平價 S835 手機發表,小米 6 一出即敗?


    挑機三星、Sony!最平價 S835 手機發表,小米 6 一出即敗?


    挑機三星、Sony!最平價 S835 手機發表,小米 6 一出即敗?

    S835 手機可以有幾平? 呢個價網友會考慮嗎?
    小米用得 S835 處理器,基本上都可以預左,佢會將 S835 的價格變得相當廉價,只差在便宜到甚麼地步。按照小米在發佈會上所言,小米 6 有三個版本,有關不同版本的賣價,直接睇下文吧!

    6GB RAM +128GB ROM 人民幣  2999 元 (即 HK$3387) (陶瓷尊享版) 
    6GB RAM +128GB ROM 人民幣  2899 元 (即 HK$3274) 
    6GB RAM +64GB ROM 人民幣  2499 元 (即 HK$2822) 

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2017-04-19 16:13 檢舉
    可以考慮喎
    02樓 ▲TOP 回列表頁