版主上手！小米 6 實機圖賞！
▲ 版主上手的是亮銀色探索版小米 6，配備了 5.15 吋 1080p 屏幕。
▲ 屏幕上方見到有前置鏡頭以及 Sensor，不過沒有傳聞的虹膜辨識。
▲ 而屏幕下方則有指紋辨識器。
▲ 機背來了！亮銀色版本真係好鬼靚！不過又咁講，其實望落咪又係有少少似 Sony Xperia Z5 Premium 果種感覺。
▲ 上方有雙鏡頭。
▲ 機背係鏡面，真係用來照鏡都仲得
▲ 左側會見到有 SIM 卡槽。
▲ 而右側則有音量鍵以及開關鍵。
▲ 機底會有喇叭以及 Type-C 插槽，可惜的是沒有了 3.5mm 耳機孔，想聽歌就一定要用 Type-C 耳機。
▲ 版主今次唔同上代小米 5s Plus 比了，咁核突比乜呢？反而同前代小米 5 比下，都還可以。版主認為，小米 6 造工相比小米 5 更加好。
▲ 最右邊果部，係陶瓷尊享版的小米 6，不過我都係覺得，還是亮銀色會靚啲。
▲ 小米 6 用上四曲面設計，拎上手感覺無再好似小米 5 咁𠝹手。
安兔兔跑分試效能！小米 6 S835 表現係咪合格呢？
版主後來換了部正常版的 6GB RAM + 128GB ROM 小米 6，用安兔兔跑分軟件，極速同佢做個性能測試。得出結果係 173870，根據安兔兔資料庫，呢個分數相比 OnePlus 3T 還要高，但還是比 iPhone 7 以及 iPhone 7 Plus 低。比較同樣用 S835 處理器的 Samsung Galaxy S8，小米 6 呢個分數，你又覺得合唔合格呢？有關小米 6 的其他評測，版主稍後回到酒店會繼續測試，請密切留意 ePrice.HK！
