百元手機用 12nm 處理器!紅米 6 上手 + 效能評測

左定坤 (Cho Ting Kwan) 2018-06-26 18:40 | 小米
平價手機,其實好多人愛,所以小米——尤其是紅米系列,喺香港就做得起。6 月中嘅時候,小米在中國大陸發表了入門新機紅米 6,首載 MTK Helio P22 處理器,官方就話比起舊代紅米 5 嘅 Qualcomm S450 處理器好,除咗頻率有更大的 2.0GHz 外,而且仲改用了 12nm 制程,即係比起舊代理論上亦會更省電。但畢竟是 MTK U,就算表面幾風光,網友都未必會 buy。之前小米無請版主去中國嘅發佈會,無機會上手試玩呢部紅米 6,而今日終於正式抵港,叫做可以碰下部機,但未有得借走,唯有在現場俾大家先睇下外型 + 跑分。睇下文啦!

小米(Facebook).jpg

芒細咗,手感會好咗?紅米 6 有 5.45 吋芒,無 M 字額

除咗小米 8,今日仲有另一部手機抵港,佢就係紅米 6。外觀上今次沒有「抄考」iPhone X,唔使見到 M 字額瀏海屏,對米粉來說應該算係好消息。而在之前發佈會上都有講過,因為有唔少用戶反映紅米 5 機身太大,所以今次紅米 6 就由舊代嘅 5.7 吋,改用 5.45 吋,屏幕比例保持 18:9,配合高屏佔比,令機身大小相等於傳統嘅 5 吋手機。另外,紅米 6 用上了「小楊柳腰」設計,版主拎上手又覺得的確手感幾好,幾舒服。

1.jpg
▲ 紅米 6 用上了 5.45 吋 18:9 芒,屏佔比有 80.5%,不過版主覺得條邊依舊有點粗。

2.jpg
▲ 屏幕上方具有 500 萬像素前置鏡頭。

3.jpg
▲ 可以見到屏幕用上了圓角設計。

6.jpg
▲ 機背採用了金屬材質,版主剛巧手上有藍色同金色,俾大家睇下。。

7.jpg
▲ 一千蚊左右就有雙鏡頭,算係一個賣點,兩個鏡頭都是 1200 萬像素,其中一個鏡頭主要用作人像拍攝。

8.jpg
▲ 機背下方除咗有小米 logo,仲會見到有個喇叭。

4.jpg
▲ 機身右側會有音量鍵以及開關鍵。

5.jpg
▲ 而左側則有真三卡插槽。

9.jpg
▲ 機頂會有 3.5mm 耳機孔。

10.jpg
▲ 而機底則有 microUSB 插槽。

11.jpg
▲ 用上「小楊柳腰」設計,對於手細嘅版主來說,手感的確是幾舒服。

首發 MTK Helio P22 處理器,效能真係好過舊代 S450?

今代的紅米 6 棄用了 Qualcomm 處理器,改用了 MTK U,是現時第一部用上 Helio P22 的手機。論頻率,舊代紅米 5 用上的 S450 處理器,只有 1.8GHz,而今代的 Helio P22 則有 2.0GHz,理論上效能會相對提升;論功耗,舊代紅米 5 的 S450 處理器,用上 14nm 制程,而今代的 Helio P22 則用上 12nm 制程,理論上會相對更省電。不過,真正用落係唔係如理論般咁慳電,因為版主都無機在手,未能試到俾大家知。而在現場有限的時間內,版主只能用安兔兔跑分軟件,簡單測試一下紅米 6 的效能。

12.jpg
▲ 結果是 75750 分,數字上來看確實是比舊代高出 20000 分左右,其中進步得最多的,正正就是 CPU 的分數,然而在 GPU 的成績來看,卻比起舊代低,似乎如果用來打機的話,會比起紅米 5 更為吃力。不過,$1000 左右買部手機,應該都唔會 expect 用來打機,基本使用如果用得一兩日,應該都係一個不錯的結果。唔知網友又點睇呢?

紅米 6 (3GB + 32GB) 在文章發表時,建議零售價為 $999,按這裡有詳細規格及最新賣價
紅米 6 (4GB + 64GB) 在文章發表時,建議零售價為 $1299,按這裡有詳細規格及最新賣價
 

相關產品 (2)

相關報導 (3)

百元手機紅米 6 抵港!S845 旗艦小米 8 同步現身,賣價搶先睇!

百元手機紅米 6 抵港!S845 旗艦小米 8 同步現身,賣價搶先睇!

記得早兩個星期,小米喺中國大陸發表咗紅米6以及紅米6A,當時就話知道好多用戶都不太希望有瀏海屏,所以紅米6無令大家失望,係「不帶瀏海」。然而其實果陣聽佢講呢句嘅時候,版主真係R哂頭,諗諗下乜你對上出果部小米8,唔係都係一樣有M字額,而且仲似iPhoneX似得咁足咩?算喇,佢鍾意「今天的我打倒昨天的我」,其實網友都唔care,反正夠平,性價比夠高,網友一樣會敗。小米8、紅米6兩部手機,今日正式喺香港發表,賣價會係幾多?喺發佈會之前,搶先話你知!

左定坤 (Cho Ting Kwan) | 2018-06-26
百元手機用 12nm 處理器!紅米 6 上手 + 效能評測

百元手機用 12nm 處理器!紅米 6 上手 + 效能評測

平價手機,其實好多人愛,所以小米——尤其是紅米系列,喺香港就做得起。6月中嘅時候,小米在中國大陸發表了入門新機紅米6,首載MTKHelioP22處理器,官方就話比起舊代紅米5嘅QualcommS450處理器好,除咗頻率有更大的2.0GHz外,而且仲改用了12nm制程,即係比起舊代理論上亦會更省電。但畢竟是MTKU,就算表面幾風光,網友都未必會buy。之前小米無請版主去中國嘅發佈會,無機會上手試玩呢部紅米6,而今日終於正式抵港,叫做可以碰下部機,

左定坤 (Cho Ting Kwan) | 2018-06-26
無 M 字額,有雙鏡頭!$1000 唔使起跳,紅米 6 / 6A 超平價?

無 M 字額,有雙鏡頭!$1000 唔使起跳,紅米 6 / 6A 超平價?

早前去完深圳小米8系列的地獄團之後,小米今日再發表新機,推出最新的千元系列手機——紅米6。小米旗艦機,網友未必會buy,尤其抄iPhoneX抄到咁十足,連個M字額瀏海屏都直接搬埋過去,真係好難提起買機的意慾。不過,如果價錢夠低的話,又唔同講法,網友理得佢係咪M字額,平夾抵玩會讓大家無視手機外觀,立即狗衝。紅米6,在最初的傳聞入面,係話用上M字額,但最新的官方宣傳海報上,又似乎沒有。到底係有抑或無,實際外觀係如何呢?今次又有幾成似iPhoneX?睇

左定坤 (Cho Ting Kwan) | 2018-06-12

最新新聞