4GB RAM 配 S810 ！ 2K 芒樂 1 Pro 跌價近兩千
係 G Flex 2 大鋪慢慢唔賣之後，版主原以為之後都無乜機會同大家分享超低價的 S810 手機。想不到，近排樂視的樂 1 Pro 近來大跌價，價錢同水貨版 G Flex 2 仲有得一拼！係規格上，其實樂 1 Pro 到而家都仍然算係吸引的，有 5.5 吋 2K 芒，處理器就用左 Qualcomm S810 配 4GB RAM 同埋 32GB 內置容量。相機上就有 1300 萬像素 F2.0 大光圈主鏡頭以及 400 萬像素 UltraPixel 模組，電池就有 3000mAh 。係之前初到港時，因為規格上甚有睇頭的關係，水貨賣價要近四千！近日樂 1 Pro 的水機價卻跌得相當誇張，深水埗福仁場內大約 $2080 就有交易，足足平近兩千，比起而家大陸樂視商城的定價更平，實在令人意外。
同樣 4GB RAM 配 Qualcomm S810 ！ OnePlus 2 水機價終於平過「行貨價」
另一部用 4GB RAM 以及 Qualcomm S810 處理器作為賣點的就係暑假期間推出的 OnePlus 2 ，呢部機版主提過跌價停不了。今個星期再到場內一睇，果然已經平左，雖然不算多但就比起香港 OnePlus 2 官方定價便宜。如果同樂 1 Pro 相比， Oneplus 2 的 5.5 吋屏幕只有 FHD 解像度，而係相機方面都只有 1300 萬像素，雖然呢方面會較弱但勝在有 64GB 內置容量。另外，大陸版的 OnePlus 2 用上氫 OS 用戶體驗相當難頂，但係如果改用國際版的 Oxygen OS 的話，其實都算好用嘅。（因為同原生 Android 差不多）唔知大家又是否同版主一樣很期待即將推出的 Nexus 新機呢？留言講講啦！
▲ 雖然樂 1 Pro 價錢減了不少，但係軟體方面聽說卻不算做得很好。
▲可能有朋友擔心大陸版的 OnePlus 2 用不到香港 4G ，從 OnePlus 官網資料來看，FDD-LTE B1、B3、B7 都齊全，所以都係用到香港 4G 的。
在文章發佈時，樂視 Letv Le 1 Pro 在港發售日期未定，按此看手機詳細規格及最新賣價。
在文章發佈時，OnePlus 2 64GB 內置容量版本定價 $2999 ，按此看手機詳細規格及最新賣價。