主題:4K 解像度 / 360 度翻轉式屏幕,有一小時快充!Fujitsu LIFEBOOK 新機抵港

ePrice HK
  • 發表時間:2017-03-10 20:32 收錄檢舉
    Fujitsu 日前在香港發表了兩部新機,分別為 LIFEBOOK U7 系列以及 LIFEBOOK P727 ,當中 P727 的特別之處,在於佢嘅屏幕係可以 360 度隨意調教,可以摺埋當平板又得,當手提電腦都得,唔使好似市面普遍的二合一平板咁,要裝嵌 / 拆卸鍵盤咁麻煩,而且續航能力亦係佢個賣點,你又會唔會有興趣呢?入黎睇下呢兩部機係乜東東,同埋賣幾錢啦!

    4K解像度/360度翻轉式屏幕/一小時快充!Fujitsu 新機抵港
     

    15.6 吋版本 LIFEBOOK U7 支持 4K 屏幕,用第七代 U,續航能力達 10 小時!

    Fujitsu LIFEBOOK U7 系列其實係有 3 個尺寸版本,分別為 12.5 吋、14 吋以及 15.6 吋,價錢由 $9380 起跳,當中 12.5 吋同 14 吋版本,屏幕解像度為 1080p,而 15.6 吋版本,屏幕解像度則有 4K。另外,LIFEBOOK U7 系列機身都算輕薄,最厚果部都不過是 19.2mm,而重量則由 1.15kg 起,顏色方面為黑色,設計算是相當型格。

    規格方面,LIFEBOOK U7 系列用上了全新第七代 Intel Core 處理器,最高配備 i7-7500U,支援 Intel Turbo Boost 技術 2.0,並內置最高 8GB DDR4 以及 512GB SSD。顯示卡方面,LIFEBOOK U7 均用上 Intel HD Graphics 620,機身配備完整的連接介面如 Display port、VGA、LAN 等等,並可配置 USB Type-C 連接裝置。至於電池續航力方面,LIFEBOOK U7 系列使用時間高達 10 小時。值得一提的是,官方表示 LIFEBOOK U7 系列配合「一流的防護技術,可以讓筆電滴水不漏,機密資料難以被盗」。另外,LIFEBOOK U7 系列配備了手掌靜脈以及指紋辨識器、智能讀卡器和 TPM 2.0 等新一代保安機制。

    4K解像度/360度翻轉式屏幕/一小時快充!Fujitsu 新機抵港
     

    LIFEBOOK P727 配備 360 度旋轉式屏幕,支持一小時快速充電!

    除左 LIFEBOOK U7 系列之外,版本覺得另外果部 P727 都幾吸引,採用 12.5 吋全高清防眩光 LED 顯示屏,厚度比 U7 更薄,僅有 18.8mm,而重量則有 1.15kg。最大的賣點是﹐佢個觸控式屏幕係可以 360 度自由翻轉,支持 4 種運作模式,包括站立式、平板、帳篷模式以及日常筆記本使用。

    另外,電池續航亦是其賣點之一,雖然續航力好似唔夠 U7 咁多,只有 9 小時,不過佢支持 1 小時快速充電,一個鐘頭就可以叉到 80%,真係食餐飯叉陣電,就可以夠你之後用多幾個鐘。而鍵盤亦以一級人體工學設計,並支持背光或抗菌防濺潑。另外,LIFEBOOK P727 採用 AES 觸控筆,插住就可以充電,唔需要額外更換電池。配置方面,P727 最高配備第七代 Intel Core i7 處理器,內置 8GB DDR4 以及 256GB SSD,賣價為 $12980 起。唔知以上呢兩款機,你會覺得邊款吸引啲呢?你又覺得係咪好貴?

    4K解像度/360度翻轉式屏幕/一小時快充!Fujitsu 新機抵港

    立即加入Facebook 專頁,新聞/消息/優惠,最快知。

    01樓 ▲TOP 回列表頁