Bitcoin 比特幣? 虛疑貨幣，互聯網上說他是國際電子貨幣，推介 Bitcoin 機構更說成顛覆了我們對貨幣的睇法。事實上，中國大陸政府未給予合法性，香港政府更加無條例監管，但你係香港，即日起卻可以方便地買賣 Bitcoin。方便程度有如去 ATM 機入錢、攞錢！識得玩差價，隨時可以當賣買外幣咁賺錢？有無呢個條件先？版主帶大家研究一下。
找換店 + ATM 機 ＋Service Counter 運作似銀行?
Bitcoin 比特幣可能你聽過下，又唔係好認識。版主簡單介紹一下啦！Bitcoin 比特幣，係近年歐美地區，開始流行的一種虛疑貨幣，用密碼控制發行量以及進行交易。它的特點是由互聯網世界操控，既不是由任何銀行發行，亦不受任何政府或機構監官，交易及儲存獨立於傳統銀行體系，兌換價視乎使用者供求。Bitcoin 說成是貨幣，當然可以用來 Shopping，美國開始有零售商，接受網上購物用 Bitcoin 作為結算。而近日其中一間賣買 Bitcoin 的公司 BitFX 宣佈在香港開設首間實體 Bitcoin 找換店，用途等於你係街上見到找換店一樣，你可以用港紙買入 Bitcoin，同時你可以用 Bitcoin 兌換港幣，最誇張像銀行一樣，有本類似「存摺」的證明，幫你紀錄賣買。除了櫃檯人手操控 Counter，少不了一部 ATM 機。以後係香港，買賣 Bitcoin 上網攪又得，用 ATM 機又得，去櫃檯處理又得，係咪好似去銀行呢。專用 3D Bitcoin 存摺
今次在香港開始首家實體 Bitcoin 找換店的，是 BitFX， BitFX 本身是一間網上 Bitcoin 交易平台，透過 bitfix.com 進行 bitcoin 的買賣。今次在香港設立實物店，更設計有類似銀行存摺的「3D Bitcon」作為紀錄，把本來十分虛疑的 bitcoin 貨幣變為實實在在擁有的一份「證明」。跟據 BitFix 提供的資料，這個像銀行存摺的「3D Bitcoin」把網上結算 bitcoin 的電子銀包，化為紙上「鈔票」。當然不是真貨幣，是一張紙的紀錄，把你個人證明，戶口結算，連結上去「3D Bitcoin」。若用家遺失「3D Bitcoin」，可透過當中的認證尋回戶口。透過手機，更有遺失的 SMS 通知。
不過呢，要開設「3D Bitcoin」存摺，都唔係完全免費，有點像銀行的尊貴戶口，一係你買賣至少一個 bitcoin (都接近港幣三千蚊架)，一係你要先付約 $100 手續費。事實上，沒有「3D Bitcoin」存摺，也不代表你不能買賣 Bitcoin，透過 ATM 機及在網上開戶，一樣做得到，只是你的 Bitcoin 紀錄，就是一張有 barcode 的紙及一個網上戶口，唔見左，攞唔番。「3D Bitcoin」存摺好處係實體證明囉。
買賣 Bitcoin ＝ 炒賣外幣
有賣、有買，有匯價，有升又有跌，這樣可以跟買賣澳元、紐元一樣，有炒賣商機嗎? 今次 BitFX 把網上賣買 Bitcoin 實體化，加上有面對面的 counter，亦代表賣買 Bitcoin 簡單化。BitFX 今次與 OKCoin及Bitconnect（購幣通）合作，兩間公司都是在中港大陸十分出名的 Bitcoin 中介公司 (講到錢，中國大陸一定超英趕美啦，大媽有的是什麼，錢呀
) ，一齊定出港元兌換 Bitcoin 的匯率。版主在撰寫呢篇介紹的晚上七時，與台灣 Bitcoin交易平台 BitoEX 相比，兩者匯率亦十分相近，兩者匯率皆在 382 美元 (約 $2995) 兌 1 bitcoin 左右。而在 BitFX 買賣 bitcoin 手續費已在匯率中計算上去，可見 BitFX 平台的匯價跟其他地區相約。
▲ 呢本就係 3D Bitcoin 實體存摺，官方叫作「3D Bitcooin 三維比特幣」。除了封面，裡面有兩份文件。
▲ 呢張就係實體存摺，上面的 QR Code，聯繫了你的 Bitcoin 網上戶口，比較神奇是背面要用人手紀錄出入帳。
▲ 身份證明其實是港幣十蚊紙一張，上面鈔票編號，就係實體存摺的識別。其實呢兩份文件，都唔可以唔見。
「實體存摺」有點兒戲，俾人用了，輕輕用 QR Code 可解碼，把戶口錢取走。若果只係遺失左「實體存摺」，可以用張十蚊紙，找回紀錄。但若果你又把十蚊紙用了，你的「實體存摺」將會在 Bitcoin 大海裡放在最底層，無人能取回架啦。
▲ BitFX 比特幣零售店位於佐敦，有 ATM 機，亦有專人 Service Counter。
▲ 講到 ATM 機運作，你可以用真錢存入你的 BitCoin 網上戶口、實體存摺，用手機 Apps 管理等等，至於 BitCoin 與港幣的兌換價，會係 ATM 機或櫃台立即顯示。
終極問題：BitCoin 值得炒？
無疑 BitFx 新開的找換店對一般人入手 bitcoin 係有相當正面的作用，不過相比起發展成熟的美國，bitcoin 在香港暫時只能當作一個投資平台而非貨幣。但 Bitcoin 又炒得起嗎？我們要留意係 bitcoin 幣值的走勢在今年其實一直在下跌，3 月時匯率最高點是 1Bitcoin 兌換港幣 4886元，至今天只有 2900 多元左右，係呢個時候話炒 bitcoin，係天方夜譚。不過，「投資產品可升可跌」這金句，相信網友一定聽過，若果大家對 Bitcoin 有興趣，相信其運作模式，家陣開戶咁易，入定等時機？大家想想吧。另外，一定要提及的是 Bitcoin 未受香港法例規管，當中一切運作，靠個「信」字。係香港目前為止只有極少數商戶接受 bitcoin 作買物交易之用 (版主問過負責人，一間商店名字都講唔出)，而在美國能用 bitcoin 付款的 Dell 及 Paypal 等公司在香港仍未接受 bitcoin，因此，呢一刻，係香港買 bitcoin，跟買古董花瓶無分別，買來擺。